Club de Gimnasia y Esgrima La Plata

De Wikipedia
Club de Gimnasia y Esgrima La Plata
Situación
Estáu Arxentina
Datos
Nome oficial Club de Gimnasia y Esgrima La Plata
Tipu club deportivu
Fundáu en3 xunu 1887
Entrenador Bandera d'Arxentina Néstor Gorosito
Categoría Primer División d'Arxentina
Instalaciones
Estadiu Estadio Juan Carmelo Zerillo (es) Traducir
Uniforme
Titular
Alternativu

Web oficial
Cambiar los datos en Wikidata

El Club de Gimnasia y Esgrima La Plata ye una entidá deportiva de la ciudá arxentina de La Plata, capital de la provincia de Buenos Aires. Fundóse'l 3 de xunu de 1887, y recibió'l so nome de los deportes que d'aquella-y dieron nacencia: la ximnasia y la esgrima. Dempués amiestaríense-y añaderíen otres seiciones: de tiru, de críquet, d'atletismu... y, por supuestu, de fútbol, que ye, dende'l pasu del so equipu al profesionalismu en 1931, el deporte que-y da más sonadía al club. Anguaño, amás del de fútbol, tien equipu de baloncestu masculín y de voleibol femenín, y cuenta tamién con delles instalaciones pa esfrute de los sos socios: polideportivu, escuela o el complexu deportivu d'Estancia Chica (con 160 hectárees de terrén) ente más otres.

Nel so bayurosu historial (ye, coles sos 71 temporaes en Primera, l'octavu club con mayor mantenencia nella) figuren, como finxos cimeros, el campeonatu de Primer División qu'algamaron en 1929, cuando l'equipu entá yera amateur, y la conquista de la Copa Centenariu, organizada en 1994 pa celebrar los cien años de vida de la AFA. Arriendes d'ello, foi tamién cinco vegaes subcampeón de la Primer División, y ganó'l campeonatu de Segunda División en 1944, 1947 y 1952.

Palmarés y estadístiques del club[editar | editar la fonte]

Estadístiques[editar | editar la fonte]

  • Temporaes en Primer División: 71. Foi subcampeón 5 vegaes (Clausura 1995, Clausura 1996, Apertura 1998, Clausura 2002, Apertura 2005)
  • Temporaes en Segunda División: 8
  • Mayor goliada a favor en campeonatos nacionales profesionales: 8:1 a Racing Club (en 1961)
  • Mayor goliada en contra en campeonatos nacionales profesionales: 0:8 d'Huracán.
  • Mayor goliada a favor en torneos internacionales: 5:1 a Alianza Lima (na Copa Libertadores 2003)
  • Mayor goliada en contra en torneos internacionales: 0:4 d'IA Sud América na Copa Conmebol 1995
Arturo Naón

Palmarés[editar | editar la fonte]

Era amateur[editar | editar la fonte]

Torneos nacionales oficiales[editar | editar la fonte]
  • Primer División (1): 1929[1]. Foi tamién subcampeón en 1924.
Copas nacionales[editar | editar la fonte]
  • Copa Competencia Adolfo J. Bullrich (1): 1915
  • Copa Campeonatu Intermedia (1): 1915

Era profesional[editar | editar la fonte]

Torneos nacionales oficiales[editar | editar la fonte]
  • Subcampeón de la Primer División d'Arxentina (5): Clausura 1995, Clausura 1996, Apertura 1998, Clausura 2002 y Apertura 2005.[4][5][6][7][8]
Torneos nacionales amistosos[editar | editar la fonte]
Torneos internacionales amistosos[editar | editar la fonte]
  • Copa Colonia del Sacramento (1): 1998
  • Cuadrangular d'Asunción (1): 1975

Presidentes[editar | editar la fonte]

Saturnino Perdriel, 1887.

Nos sos más de 120 años d'historia foron 55 los presidentes del club. El primeru foi un funcionariu del Ministeriu de Facienda de la provincia de Buenos Aires, Saturnino Perdriel; y l'actual ye, dende 2007, Walter Gisande.

La eleición del presidente ye por votación trianual ente los socios/es. Hai que tener más de 18 años y llevar trés de sociu/a pa poder votar, y llevar más de siete pa poder ser elixíu como miembru de la Comisión Direutiva.

Tolos presidentes[editar | editar la fonte]

Alejandro Korn, 1890.
Juan Carlos Zerillo, 1929.
 

(*) Foi elixíu, pero renunció primero de tomar posesión del cargu.

Comisión Directiva 2008[editar | editar la fonte]

Actualizáu a Torneo Clausura 2008 (Arxentina)

  • Presidente: Walter Gisande.
  • Vicepresidentes: Fabián Cagliardi, Juan Carlos Escanda y Ernesto Fischer.
  • Vocales Titulares: Renato Ottaviano, Ernesto Díaz, Daniel Giraud, Laureano Durán, Víctor Palladino, Miguel Lavarra, Roberto Coscarelli, Pablo Blanco, Ricardo Vera, Flavio González, Daniel Bellini, Emidio Pappalardo y Marcelo Gisande.
  • Vocales Suplentes: Gustavo Scoppa, Jorge García, Roberto Capalbo, Santiago Barbieri, Ricardo Díaz, Alberto Castillo y Jorge Quintín.
  • Revisores de Cuentes Titulares: Ricardo López Osornio, Facundo Menéndez y Pablo Juanes.
  • Revisores de Cuentes Suplentes: Hernán Palladino y Alejandro Cisneros.
  • Xuráu d'Honor Titular: Alberto Durán, Omar Nicora, Elvio Sagarra, Julio Novarini y Eugenio Mijailoff.
  • Xuráu d'Honor Suplente: Alfredo Ferrarini y Carlos Gerez.

Himnu[editar | editar la fonte]

L'himnu oficial del club escribióse en 1915 pol poeta, nacíu en Magdalena, Délfor B. Méndez; la música ye del maestru Juan Serpentini. Cantóse per primer vegada'l 9 de xunetu de 1915, nuna receición n'honor del River Plate Football Club d'Uruguái, y grabáu pola Banda de Música de la policía del Estáu de Buenos Aires en 1967. La lletra del himnu ye como vien darréu...

HIMNU

Festejemos nuestros triunfos

con canciones varoniles

armoniosas y febriles

como los ritmos del mar.

Festejemos nuestros triunfos

con las sanas intenciones

de llegar a ser campeones

solamente,

solamente por llegar.

En las luchas deportivas,

siempre fuímos vencedores,

defendiendo los colores

de la insignia nacional.

Embriagados de entusiasmo,

satisfechos de alegría,

derrochamos valentía,

con nobleza,

con nobleza sin igual.

Sin enconos ni altiveces,

siempre fuertes, siempre unidos,

por mens sana conocidos,

lucharemos sin cesar,

pues sin luchas no hay victorias,

y nosotros las queremos,

porque siempre padecemos

hondo anhelo,

hondo anhelo de triunfar!

Escudu[editar | editar la fonte]

Los colores de C.G.E.

L'escudu actual del club (oficial dende 1964) ye una versión más cenciella del diseñáu, nel 1887, por Emilio Coutaret. Tien na so parte central, sobre campos de plata y oru, una corona coronada por un yelmu. Dientro d'ella, sobre esmalte, hai un círculu na que figura'l monograma del club nos colores que lu identifican (blancu y azul marín). No cimero de la corona, a los llaos del yelmu, aparecen los mangos d'un sable y un florete. Arrodiando'l conxuntu apaez una rama de lloréu.[14]

Uniforme[editar | editar la fonte]

Anguaño l'uniforme titular de Gimnasia y Esgrima tien los colores que l'estatutu social del club adoptó como propios.

  • Uniforme titular: Camiseta blanca con una franxa horizontal azul marín, pantalón blancu y calcetos blancos.
  • Uniforme alternativu: Camiseta azul marín con una franxa horizontal blanca, pantalón azul marín y calcetos azul marín.

Sicasí, l'uniforme nun foi siempres el mesmu. Nos primeros años del club usáronse los colores blancu y azul cielu, los de la bandera arxentina, pa facer una camiseta igual que la qu'usa anguaño la Seleición arxentina de fútbol. Dempués, en 1905, decidióse cambiar el color del uniforme pa diferenciase del Rácing Club: cambióse'l azul cielu de les rayes verticales de la camiseta pol azul marín. En 1910 cambióse'l diseñu por última vegada, y adoptóse l'uniforme que visten anguaño los sos xugadores.

Estadiu[editar | editar la fonte]

L'estadiu Juan Carlos Zerillo, tamién conocíu como Estadiu del Bosque, ye'l propiu d'esti equipu. Alcuéntrase nel Bosque Platense, cerca del barriu de «El Mondongo»; concretamente, nel cruce de l'avenida 60 cola cai 118 de la ciudá de La Plata. Ye, colos sos 33.123 espectadores, el mayor de la ciudá.

Les obres pa la so construcción entamaron el 22 de marzu de 1923, ya inaguróse'l 26 d'abril del añu siguiente. Años más tarde dióse-y el nome del presidente Juan Carlos Zerillo, que gobernó'l club ente 1929 y 1931.

Les sos dimensiones son de 118 X 74 metros, y anguaño nun ye'l campu nel que xuega l'equipu. Dende 2006, cuando'l campu foi inhabilitáu p'agospiar partíos oficiales al nun cumplir coles nueves normes de seguridá del Comité Provincial de Seguridad Deportiva, Gimnasia y Esgrima xuega como llocal nel estadiu Ciudá de la Plata.

Instalaciones[editar | editar la fonte]

Les instalaciones del club inclúin, amás del so estadiu, una finca de 160 ha, otra pa qu'entrenen les categoríes infantiles, un polideportivu, un xardín d'infancia, una escuela primaria y otra secundaria. Hai, amás, decenes de filiales espardíes dientro de l'Arxentina y nel estranxeru.

  • Estancia Chica: Ye la finca (160 ha) na qu'entrena l'equipu profesional, y na que se concentra primero de los partíos.
  • El Bosquecito: Ye una finca (11 ha) na qu'entrenen y xueguen les categoríes infantiles de la institución. Ye un espaciu de 11 hectárees au practiquen y desempéñense les categoríes infantiles.
  • Escuela: El club tien un xardín d'infancia (inauguráu en 1999), una escuela primaria (la Escuela Dr. René Favaloro, inaugurada en 2001) y una escuela secundaria (inaugurada en 2008).
  • Polideportivu: Nesti pabellón, inauguráu en 1978, xueguen los equipos de la primer división de baloncestu y vóleibol. Tien una capacidá de 2.600 persones (3.500 cuando ta iguáu p'acoyer espectáculos musicales).
  • Sé Social: Nella hai, amás de les oficines de la institución, un ximnasiu y instalaciones pa prauticar baloncestu y vóleibol.

Llistáu completu d'entrenadores[editar | editar la fonte]

Referencies[editar | editar la fonte]

Enllaces esternos[editar | editar la fonte]