Citrus

De Wikipedia
Saltar a: navegación, buscar
Cítricos
Cítricos.
Citrus maxima.
Clasificación científica
Reinu: Plantae
División: Magnoliophyta
Clas: Magnoliopsida
Orde: Sapindales
Familia: Rutaceae
Xéneru: Citrus
Especie: 3 especies

El xéneru Citrus, siendo'l so términu común Cítricos, noma a les especies de grandes arbustos o arbolinos perennes (pente 5 y 15 m) con frutos o frutes, de la familia de les Ruteácies, tienen un altu conteníu en vitamina C y ácidu cítricu, el cual proporciona-yos esi típicu tastu ácidu tan carauterísticu. Orixinariu d'Asia tropical y subtropical, esti xéneru contién tres especies y numberosos amezaos cultivaos, inclusive les frutes más ampliamente comercializaes, como'l llimón, la naranxa, la llima y la mandarina, con delles variedaes que dependen de la rexón na que se cultive cauna d'elles.

Anque la clasificación taxonómica ye complexa, recientes investigaciones xenéticas demostraron que únicamente esisten tres especies principales C. maxima, C. medica y C. reticulata, siendo toles restantes amezaos d'estes tres.

Debido a la facilidá d'amezación de los cítricos, tolos cultivos pa usu comercial obtiénense inxertando les especies cultivares deseaes sobro plantones seleicionaos pola so resistencia a les enfermedaes.