Charlie Kaufman

De Uiquipedia
Saltar a: navegación, buscar
Charlie Kaufman.

Charles Stuart Kaufman (Nueva York, 1 de payares de 1958) ye un guionista estaunidense. Nomáu pola revista Premiere como una de les 100 persones más poderoses de Hollywood.

Biografía[editar | editar la fonte]

Kaufman ñació nuna familia xudía na ciudá de Nueva York. Entamó la so carrera en televisión escribiendo dos episodios pa Get a Life de Chris Eliott, asina como una docena d'otros episodios pa programes como Ned y Stacey y The Dana Carvey Show.

Tuvo reconocencia per primera vegada al escribir Being John Malkovich, película que-y valió una nominación al Oscar y un premiu BAFTA. Tamién escribió Human nature, que foi dirixida por Michel Gondry, y llueu trabayó con Spike Jonze otra vegada como l'escritor pa El lladrón d'orquídees (Adaptation), que-y valió otra nominación al Oscar y el so segundu BAFTA. En dicha película presentábase a un personax, Charlie Kaufman, que resultaba ser una versión bastante irreal del escritor. Na vida real nun tien un hermanu ximielgu idénticu, ta casáu y abegosamente pudo esperimentar el drama fantásticu de la hestoria.

Tamién escribió Confesiones d'una mente peligrosa, un retratu biográficu de Chuck Barris, un conductor d'un programa de concursos del que se pensaba yera un home clave de la CIA. Foi dirixida por George Clooney, que debutaba como direutor. Kaufman, mui molestu, criticó a Clooney por facer alteraciones dramátiques al guión de la película ensin siquiera consultá-ylo. El guionista afirmó nuna entrevista con William Arnold: «Lo usual pa un escritor ye entregar un guión y llueu desapaecer. Pero eso nun ye pa min. Quiero tar involucráu d'entamu a fin. Y estos direutores (Gondry, Jonze) sábenlo y respétenlo».

Depués llegó Eternal sunshine of the spotless mind (¡Escaezte de min!),la so segunda película col direutor Michel Gondry, pol que recibió'l so primer premiu Oscar al meyor guión orixinal, el so tercer BAFTA y el prestixosu PEN American Center 2005.

Un patrón interesante nos trabayos de Kaufman ye que de vezu céntrense nun protagonista masculín introvertíu, dalgo timíu, y una figura dominante femenina. Esto asocede con Eternal sunshine... (Joel/Clementine), El lladrón d'orquídees (Charlie), y Cómo ser John Malkovich (Craig/Maxine).

Vive en Pasadena, California.

Guiones cinematográficos[editar | editar la fonte]

Enllaces esternos[editar | editar la fonte]