Casadiella
| Casadiella | ||
|---|---|---|
 | ||
| Nome | Casadiella | |
| Detalles | ||
| Ingredientes | farina de trigu | |
| Más información | ||
| [editar datos en Wikidata] | ||
Les casadielles son un dulce típicu asturianu.
Carauterístiques[editar | editar la fonte]
Trátase d'una especie d'empanada ellaborada con una masa de fariña de trigu arumao con anís en xeneral, a la que se rellena de nueces y/o ablanes, zucre y posteriormente fríese. Al sirvir espolvoréxase la so superficie de zucre. Suel sirvise como postre.
La forma ye una especie de cañutu de 10 cm de llargo aproximao colos cabos zarraos pa que nun se salga'l conteníu del so interior, anque hai variantes nes que la forma ye de media lluna.
Ellaboración[editar | editar la fonte]
Pártense les nueces y muélense. Mídese taza y media de nuez molío y amiéstase-y media d'azucre y una copa d'anís; si se quier, pue ponese-y poner tamién daqué de vinu blanco o coñac, o un poco de mantega y miel en llugar d'azucre, como asina se preparaben antiguamente.[1]
Prepárase la pasta, meciendo en una fonte la mantega partío en trozos, l'aceite, agua y vinu blanco, una cuyaradina de sal y un chorrín de llimón o vinagre; mestúrase tou bien y va amestándose fariña mecío con una cuyaradina de lleldu hasta formar una pasta que nun se pegue a les manes. Esta pasta, como l'hoxaldre, trabayaráse lo imprescindible, pos de lo contrario quedaría correoso.[2][3] [4]
Estiéndese la masa cola ayuda del rollu enfarináu, dos o trés veces, y dempués se-y da un reposu, nun llugar frescu o na nevera, per una hora. Pasáu'l tiempu, cúrtiense trozos d'esta pasta, estiéndese hasta dexalo bien fino, y se van rellenando, formando casadielles, zarrando bien los bordes pa que nun salga'l rellenu de nuez.
Darréu van friéndose n'aceite abondoso, pero non mui caliente, pa que la pasta se fría bien y nun quede crudo per dientro. Ya doraes, van colocándose nun papel d'estraza pa qu'absuerba l'escesu d'aceite que puedan tener; de siguío, rebócense con azucre pasándoles a una fonte.
Ver tamién[editar | editar la fonte]
- Gastronomía d'Asturies
- Cannoli - Pastel sicilianu de masa asemeyao pero de forma cilíndrica.
Referencies[editar | editar la fonte]
Enllaces esternos[editar | editar la fonte]
| Control d'autoridaes |
|
|---|
Datos: Q8341868