Carduelis flammea

De Wikipedia
Saltar a navegación Saltar a la gueta
Carduelis flammea
Map marker icon – Nicolas Mollet – Birds – Nature – white.png Les especies d'aves con nome común en llingua asturiana márquense como COA. En casu contrariu, conséñase'l nome científicu o de la SEO.
Commons-emblem-notice.svg
 
Pardín de baberu
Redpoll Dunedin Oct 2007.jpg
Carduelis flammea flammea
Estáu de caltenimientu
Preocupación menor (LC)
Esmolición menor (IUCN)
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Fringillidae
Xéneru: Carduelis (ensin. Acanthis)
Especie: C. flammea
Linnaeus, 1758
[editar datos en Wikidata]

El pardín de baberu COA (Carduelis flammea) ye un ave paseriforme de la familia Fringillidae. Tuvo d'antiguo nel xéneru Acanthis xunto a Carduelis cannabina y Carduelis flavirostris, pero los sos más estrechos parientes son los Fringillidae (Arnaiz-Villena et al., 2001).[1] Ellos tendríen d'incluyise nel xéneru Carduelis, pero poles sos adautaciones y bioxeografía son daqué peculiares evolutivamente, y ye meyor reinstalalos en Acanthis, sacante los pardinos. Hai bastantes diferencies ente les (Seutin et al., 1995)[ensin referencies] formes de pardinos que tendríen de considerase dende una a cinco especies (Knox, 1988). Los estudios recién (Herremans, 1990; Sangster et al., 2002)[ensin referencies] ayuden a tener tres especies, pero entá nun ye definitivo.

Carauterístiques[editar | editar la fonte]

Mide aprosimao 12,5 cm de llargor. La parte cimera del so cuerpu ye de color pardu buxu con bandes más escures. El gargüelu y la zona alta del pechu son d'un tonu daqué rosáu, los lladrales presenten una coloración rosa amarellentáu con llistes negres y el banduyu ye ablancazáu; la frente y el mentón son coloraos y na cabeza disponse un llurdiu del mesmu color anque más intensu. Dellos llurdios negros distribúinse percima y debaxo'l picu.

Hábitat y área de distribución[editar | editar la fonte]

L'área de distribución del pardín de baberu estiéndese pel norte d'Europa, Asia y América. Dacuando alcuéntrase-y más al sur como migrador ocasional. Habita en zones montiegues, tundres y montes, cuantimás d'abedurios, coníferes, omeros, sauces y enebros.

Vida y vezos[editar | editar la fonte]

Xeneralmente añera sobre coníferes, abedurios, omeros o sauces. El ñeru tien forma de copa y suel tar construyíu de palinos, pequeñes cañes, raigaños, liquen y plumes, y nel so interior deposítense unos 4 o 5 güevos, anque en delles oportunidaes son namái 3 y n'otres algamen los 7. Éstos guárialos la fema mientres 10 a 13 díes aprosimao. Les críes son alimentaes por dambos proxenitores y al cabu de 11 a 14 díes dende la eclosión, abandonen el ñeru. El pardín de baberu fai una o dos puestes añales.

Aliméntase principalmente de granes (n'especial d'abeduriu y umeru) pero dacuando consume tamién insectos. Ye un ave diurna.

Referencies[editar | editar la fonte]

  1. Arnaiz-Villena, Antonio; Alvarez-Tejado M., Ruiz-del Valle V., García-de-la Torre C., Varela P, Reciu M. J., Ferre S., Martinez-Laso J.. «Phylogeny and rapid Northern and Southern Hemisphere speciation of goldfinches during the Miocene and Pliocene Epochs». Cell.Mol.Life.Sci. 54(9):1031-41. http://chopo.pntic.mec.es/biolmol/publicaciones/goldfinches2.pdf. 

Enllaces esternos[editar | editar la fonte]