CW Leonis
| Constelación | Lleo |
| Ascensión reuta α | 09h 47min 57,38s |
| Declinación δ | +13º 16’ 43,7’’ |
| Distancia | 490 años-lluz |
| Magnitú visual | +10,96 a +14,8 |
| Magnitú absoluta | -3,83 |
| Lluminosidá | 17.000 soles |
| Temperatura | 1915 K |
| Masa | ≤ 2 soles |
| Radiu | 826 soles |
| Tipu espectral | C9.5y |
CW Leonis (IRC +10216 / CGCS 2619)[1] ye'l nome de la estrella de carbonu más conocida y estudiada, que s'atopa na constelación de Lleo. Anque visualmente ye una estrella bien tenue, ye, dempués de Eta Carinae, l'oxetu estrasolar más brillosu del cielu en llargor d'onda de 10 μm,[2] yá que emite la mayor parte de la so enerxía como radiación infrarroxo.
Alcuéntrase aproximao a 490 años lluz del Sistema Solar.[3]
De tipu espectral C9.5y[1] o CV7,[3] CW Leonis amuesa una rellación ente los conteníos de carbonu y oxíxenu de 1,4. Tien una temperatura superficial de tan solo 1915 K y ye una superxigante que'l so radio ye 826 vegaes más grande qu'el radiu solar.[4] La so lluminosidá bolométrica ye 17.000 mayor que la lluminosidá solar.[3]
Como otres estrelles asemeyaes, CW Leonis pierde masa estelar a un fuerte ritmu; cada añu pierde l'equivalente a 3,3 × 10-5 mases solares.[3] Alcuéntrase envolubrada por un cascu de gas y polvu formáu por material arrastrao pol vientu estelar. Nel cascu detectáronse, ente otros elementos, carbonu, nitróxenu, oxíxenu, siliciu, fierro[5] y tamién agua.[6] Piénsase que ye un raru casu de protonebulosa planetaria, un sistema nuna primer fase d'evolución escontra una nebulosa planetaria.[7] Nel intre de los próximos 10.000 - 30.000 años, CW Leonis va morrer dexando tres de sigo una nebulosa planetaria y una nana blanca.[8]
Como estrella variable, CW Leonis ye una variable Mira con un periodu de 630 díes que'l so rellumu varia ente magnitú aparente +10,96 y +14,8.[9]
Ver tamién[editar | editar la fonte]
Referencies[editar | editar la fonte]
- ↑ 1,0 1,1 CW Lleo -- Variable Star of Mira Cet type (SIMBAD)
- ↑ CW Leonis. The Internet Encyclopedia of Science
- ↑ 3,0 3,1 3,2 3,3 Bergeat, J.; Chevallier, L.. «The mass loss of C-rich giants». Astronomy and Astrophysics 429. pp. 235-246. http://cdsads.u-strasbg.fr/cgi-bin/nph-bib_query?2005A%26A...429..235B&db_key=AST&nosetcookie=1.
- ↑ de Beck, Y.; Decin, L.; de Koter, A.; Justtanont, K.; Verhoelst, T.; Kemper, F.; Menten, K. M.. «Probing the mass-loss history of AGB and rede supergiant stars from CO rotational line profiles. II. CO line survey of evolved stars: derivation of mass-loss rate formulae». Astronomy and Astrophysics 523. A18. http://cdsads.u-strasbg.fr/cgi-bin/nph-bib_query?2010A%26A...523A..18D&db_key=AST&nosetcookie=1.
- ↑ IRC +10216. University of Sydney
- ↑ Water Found Around Nearby Star CW Leonis (APOD, NASA)
- ↑ IRC +10216 (Catalogue of Galactic Planetary Nebulae)
- ↑ CW Leonis. Jumk.de/astronomie
- ↑ CW Leonis (General Catalogue of Variable Stars)
