Brúxula

De Wikipedia
Brúxula
instrumento de navegación (es) Traducir
Cambiar los datos en Wikidata

Una brúxula[1] o un compás[2] ye un instrumentu usáu pa la navegación y la orientación espacial que siñala la posición d'un puntu respectu a los puntos cardinales xeográficos. Xeneralmente inclúi, marcáu na so superficie, un diagrama nomáu rosa de los vientos, qu'amuesa la posición del norte, sur, este y oeste, representaos pola so inicial. Cuando usamos una brúxula la rosa puede alliniase coles correspondientes direiciones xeográfiques, colo que consiguimos que, por exemplu, la marca "N" de la brúxula apunte realmente al norte magnéticu de la tierra. Pueden apaecer tamién na superficie de la brúxula, superpuestes a les iniciales o en vez d'elles, marques angulares. Nesti casu, el norte correspuende colos 0º, y estos increméntense nel sentíu de les manes del reló, siendo l'este los 90º, el sur los 180° y l'oeste los 270º. Estos númberos permiten que la brúxula amuese acimuts o rumbos, qu'avecen espresase con esta forma de notación.

La brúxula magnética foi inventada, como un instrumentu d'adivinación, en China, na dómina de la dinastía Han (alredor del 206 e.C.), y adoptada dempués como instrumentu de navegación nel tiempu de la dinastía Song (sieglu XI). L'usu de la brúxula n'Europa Occidental y Persia remóntase a entamos del sieglu XIII.



Referencies[editar | editar la fonte]

Enllaces esternos[editar | editar la fonte]