Puntu cardinal

De Uiquipedia
Saltar a: navegación, buscar
Puntos cardinales.

Los puntos cardinales son les cuatro direcciones derivaes del movimientu de rotación terrestre que conformen un sistema de referencia cartesianu pa representar la orientación nun mapa o na mesma superficie terrestre. Estos puntos cardinales son: l'Este, que vien señaláu pol llugar averáu onde sale'l sol cada día; l'Oeste, el puntu indicáu pol ocasu o aséu del sol nel so movimientu aparente, y si consideramos a la llinia Este-Oeste como la exa de les ascises nun sistema de coordenaes xeográfiques, la exa de les ordenaes taría descrita pela llinia NorteSur. Esta composición xenera cuatro ángulos de noventa graos que al empar, divídense poles bisectrices, xenerando Noroeste, Suroeste, Nordeste y Sureste. Repitiendo la mesma operación, llógrase la Rosa de los vientos que lleva usándose en navegación dende sieglos ancestrales

Etimoloxía[editar | editar la fonte]

La palabra cardinal remanez del nome llatinu «cardu», qu'identificaba, nes ciudaes romanes, a la cai trazada d'este a oeste y que pasaba pel centru de la ciudá. Esto significa que l'únicu puntu braeramente cardinal, siquier dende'l puntu de vista etimolóxicu, tendría de ser el Norte y en menor grau, el Sur. Por eso s'usa la espresión «d'una importancia cardinal» cuando quier resaltase esa importancia. De los puntos cardinales, ye'l Norte'l qu'identifica la direición de la orientación polo que suel dicise en sen figuráu qu'una persona «perdió'l so norte» cuando s'atopa desnortiada o perdió'l so aldu.

Conócense tamién los puntos cardinales como les cuatro direcciones o puntos principales de la brúxula, que son:

Los nomes de los puntos cardinales son d'orixe xermánicu (Nordri = Norte, Sudri = Sur, Austri = Este y Vestri =oeste la Mitoloxía escandinava) ya incorporáronse nuna dómina rellativamente recién al asturianu y al restu de les llingües derivaes del llatín. Enantes, los nomes de los puntos cardinales yeren:

El términu Mediudía tamién se refier a la rexón meridional d'un país nel Hemisferiu Norte, especialmente n'Italia (Mezzogiorno) y en Francia (Midi), precisamente porque estes rexones allúguense escontra'l llau au s'atopa'l sol al mediudía con rellación al restu del país.

Ver tamién[editar | editar la fonte]