Barney Phillips

De Wikipedia
Saltar a navegación Saltar a la gueta
Barney Phillips
Barney Phillips
BarneyPhillipsthebigseptmberman.jpg
Vida
Nacimientu Saint Louis20  d'ochobre de 1913
Nacionalidá Bandera de Estaos Xuníos d'América Estaos Xuníos
Fallecimientu

Los Angeles17  d'agostu de 1982

(68 años)
Causa de la muerte cáncanu
Oficiu
Oficiu actor, actor de televisión, actor de voz y actor de cine
IMDb nm0680237
Cambiar los datos en Wikidata

Barney Phillips (20 d'ochobre de 191317 d'agostu de 1982) foi un actor radiofónicu, cinematográficu y televisivu de nacionalidá estauxunidense.

Biografía[editar | editar la fonte]

El so verdaderu nome yera Bernard Philip Ofner, y nació en San Luis, Misuri, siendo los sos padres Harry Nathan Ofner, vendedor de productos del cueru, y Leona Frank Ofner, d'orixe alemán.[1] Phillips creció y educóse en San Luis, camudándose a Los Angeles, California, en graduándose nel college en 1935.

Comenenciudu na interpretación, consiguió un pequeñu papel nun western de serie B de producción independiente, Black Aces (1937), anque la so carrera artística nun desapegaba. Entós Phillips decidió apuntase nel Exércitu de los Estaos Xuníos en xunetu de 1941 col so nome verdaderu,[2] sirviendo nel Signal Corps mientres la Segunda Guerra Mundial.

Tres la guerra, Phillips fixo pequeñes actuaciones en dellos filmes dende 1949 a 1952, tou ello enantes de llograr un papel regular na versión televisiva emitida pola NBC de la serie Dragnet, el del Sarxentu Ed Jacobs. Amás fixo'l papel recurrente de Hamilton J. Finger nel programa radiofónicu de Frank Sinatra Rocky Fortune en 1953 y 1954.[3] Nos años 1950 y 1960 foi un prolíficu actor de calter, tantu nel cine como na televisión. En 1955 foi Mr. Jamison nel episodiu de I Love Lucy Ricky's European Booking, y tuvo papeles menores en dos episodios de Perry Mason. Na temporada televisiva 1959-1960 Phillips foi'l teniente de policía Geller na serie Johnny Midnight, protagonizada por Edmond O'Brien. Na siguiente temporada, Phillips foi otru teniente de policía, Avery, en siete episodios de The Brothers Brannagan, serie na qu'actuaben Stephen Dunne y Mark Roberts.

Otres de les producciones televisives nes cualos intervieno fueron Andy Griffith Show, Twelve O'Clock High (1964–67, como actor regular) y The Betty White Show (1977–78). Sicasí, el so papel más conocíu ye probablemente'l que fixo nel episodiu de Dimensión Desconocida "Will the Real Martian Please Stand Up?".

Amás de les sos actuaciones en series de TV, Phillips intervieno de volao nel famosu comercial de pizza Totino's creáu por Stan Freberg. Phillips siguió actuando en televisión tamién nos años 1970.

Barney Phillips finó en Los Angeles, California, en 1982, por causa de un cáncer.

Seleición de la so filmografía[editar | editar la fonte]

Trabayu televisivu (parcial)[editar | editar la fonte]

Referencies[editar | editar la fonte]

  1. 1930 US Census for Missouri
  2. US Army Military Enlistment Records, WWII
  3. Rocky Fortune ThrillingDetective.com. Retrieved 9 d'abril de 2009.

Enllaces esternos[editar | editar la fonte]