Bandera de Chile

De Wikipedia
Saltar a navegación Saltar a la gueta
Bandera de Chile
Flag of Chile.svg
Datos
Entidá Japón Traducir
Fecha d'adopción

18  d'ochobre de 2019

(-1 años)
Proporción FIAV 111111.svg 3:2
Colores rosa, negru y verde
Cambiar los datos en Wikidata
Banderes chilenes al vientu.

La bandera nacional de la República de Chile, conocida como la Estrella Solitaria, foi oficialmente adoptada fai 201 años, nel 18 d'ochobre de 1817.[1] Ta estremada en dos franxes horizontales: la cimera ye azul y blanca ente que la baxera ye bermeya; nel cantón azul allúgase una estrella de cinco puntes en color blancu.

Les principales interpretaciones del usu de los colores de la bandera atribuiríen al azul la representación de los cielos y l'océanu Pacíficu, al blancu los cumes nevaos del cordal de Los Andes, y el bermeyu al sangre arramao polos héroes nacionales na llucha pola independencia.[2] De la mesma, la estrella simbolizaría los trés poderes del Estáu chilenu (Executivu, Llexislativu y Xudicial) que miren pola integridá de la nación —otres interpretaciones indicaríen que la estrella única ye una referencia al Estáu unitariu, a diferencia de, por casu, les múltiples estrelles de la bandera de los Estaos Xuníos que representen l'Estáu federal—. Sicasí, considerando los versos del Cantar XXI del poema épicu L'Araucana (1569), los colores de la bandera chilena actual remontaríense a les bandes tricolores utilizaes polos toquis mapuches mientres la Guerra de Arauco contra la Conquista española, ente que la estrella representaría la estrella d'Arauco» según Bernardo O'Higgins.[3]

Confección y esplegue[editar | editar la fonte]

Confección de la bandera de Chile.
Imaxe d'una bandera chilena. El cantón presenta un color azul marín, una de les tonalidaes más usaes nes banderes.

Na actualidá, la fabricación de la bandera de Chile ta oficialmente definida nel u%201534%20de%201967 decretu 1534 del 12 d'avientu de 1967 del Ministeriu del Interior, que sistematizó y refundió diverses normes llegales y reglamentaries sobre l'usu de los emblemes nacionales —ente otres, la llei 2597 del 11 de xineru de 1912 (qu'afitó los colores y proporciones de la bandera nacional, de la banda presidencial y de la escarapela o cucarda) y el decretu supremu 5805 del 26 d'agostu de 1927 del Ministeriu del Interior (qu'afitó les dimensiones de la bandera nacional pal usu n'edificios y reparticiones públiques)—, tresformáu pol decretu 938 de 29 de xineru de 2013.[4][5]

Según esi decretu, la proporción ente l'altu y el llargu —o vaina y vuelu— de la bandera chilena ye de 2:3, quedando estremada horizontalmente'n dos franxes d'igual tamañu. Mientres el sector baxeru correspuende al color bermeyu, el sector cimeru subdivídese al empar nun cuadráu azul y un rectángulu blancu, que los sos llargos tán en proporción 1:2, respeutivamente. La estrella ta asitiada nel centru del cantón azul y ellabórase sobre una circunferencia que'l so diámetru correspuende a la metá del llau del cantón. El decretu señaláu tamién define los tonos de la bandera como azul, blancu y bermeyu. Sicasí, nun esisten especificaciones técniques sobre'l tonu exautu de los colores de la bandera, polo que ye posible atopar banderes con una amplia gama de colores; el casu más bultable ye'l del azul, que va del azul brillante hasta azul marín. Compárese esto col azul de la bandera cubana, que tamién ta descritu como «azul turquí» y ye definíu según el sistema Pantone como 2765-CVC, equivalente a un color azul escuru que nun llega a azul marín.[6]

Azul Blancu Bermeyu
Pantone 286-C Safe 485-C
CMYK (100, 61, 0, 20) (0, 0, 0, 0) (0, 100, 100, 20)
RGB (0, 53, 173) (255, 255, 255) (220, 36, 31)
Hexadecimal #0035AD #FFFFFF #DC241F
Despliegue de la bandera de Chile en forma horizontal y vertical.

Según el protocolu correspondiente, la bandera tien de ser izada dende la punta d'un mástil blancu, y si se fai en compañía d'otres banderes distintes, éstes tienen de ser del mesmu o menor tamañu. La bandera chilena ten de tar puesta a la izquierda si'l númberu de banderes, incluyendo la chilena, suman un númberu par; o al centro si suman impar y, amás, tien de ser la primera n'izase y la postrera n'arriase. En casu de nun esistir un mástil, la bandera puede colgar nel muriu d'un edificiu de forma horizontal o vertical, quedando siempres la estrella enriba y a la izquierda del espectador.

Historia[editar | editar la fonte]

Banderes anteriores a la independencia[editar | editar la fonte]

Antigua bandera mapuche, según obra de frai Pedro Subercaseaux.FIAV historical.svg
Cruz de Borgoña, emblema militar de la Monarquía hispánica.FIAV historical.svg
Bandera según l'antiguu relatu mapuche, posiblemente utilizada por tropes mapuches a empiezos del sieglu XVIII.FIAV historical.svg
Bandera utilizada pol rei d'España pa los sos dominios dende 1785.FIAV historical.svg

L'usu de banderes como forma de representar a persones, estaos o naciones ye un vezu aniciáu n'Europa y China, polo que ye pocu probable que, antes de qu'aportaran los conquistadores hispanos, esistieren esti tipu de distintivos. A ello suma la inesistencia d'entidaes polítiques que xunieren a les distintes tribus indíxenes y de rexistros históricos anteriores a la llegada de los colonizadores mientres el sieglu XVI.

Bandera de la Patria Vieya[editar | editar la fonte]

Bandera de la Patria Vieya (1812-1814).FIAV historical.svg Versión simple, ensin l'escudu chilenu, usada por naves mercantes.[7]
Bandera de la Patria Vieya (1812-1814).FIAV historical.svgFIAV reconstructed.svg Versión alternativa col primer escudu chilenu, cruz de Santiago y distinta disposición de colores.

El 18 de setiembre de 1810 proclamóse la Primera Xunta Nacional de Gobiernu, que foi'l primer pasu nel procesu independentista chilenu. Sicasí, esa Xunta establecióse, siquier nominalmente, como forma de controlar el gobiernu mientres l'ausencia del rei Fernandu VII, polo que los símbolos del gobiernu hispanu caltuviéronse.

Bandera de la Transición[editar | editar la fonte]

Bandera de la Transición, 1817.FIAV historical.svg
Posible bandera utilizada mientres dellos díes de 1817.FIAV historical.svgFIAV proposal.svg

El trunfu patriota en Chacabuco dio pasu al periodu conocíu como Patria Nueva. Un nuevu pabellón nacional, del que s'atribuye'l diseñu a Juan Gregorio Les Heras, adoptóse'l 26 de mayu de 1817 y tuvo abondo espardíu na dómina. Esta bandera anguaño llámase «bandera de la Transición» por ser la insinia utilizada ente la primera bandera nacional y la que s'usa ata'l día de güei.

Esta bandera componíenla trés franxes horizontales de colores azul, blancu y bermeyu. L'orixe d'estos colores taría nel relatu dau por Alonso de Ercilla nel Cantar XXI de L'Araucana (1569), onde describe les insinies de les tropes mapuches. El significáu d'ellos equival al de los colores de la bandera de la Patria Vieya, por cuenta de la semeyanza ente dambes banderes, anque camudando'l mariellu pol bermeyu, que representaría'l sangre esparnao mientres los enfrentamientos bélicos.

La sangre de los héroes de Rancagua,
Dignamente vengada por la fuercia,
La triste palidez del amarillo,
En rojo animador el color trueca.

A pesar del entusiasmu inicial, esti pabellón nun tuvo llegalización oficial y sumió cuasi cinco meses dempués. Según la Historia Xeneral de Chile de Diego Barros Arana, esplegóse la última vegada mientres la ceremonia d'alcordanza de la batalla de Rancagua, pocu más de dos selmanes antes de l'adopción del actual emblema nacional.[8] Anque nun ye seguro y tampoco se considera pola mayor parte de los historiadores chilenos, esiste información sobre una posible bandera ente la «de la Transición» y la definitiva, qu'intercambiaría l'orde de les franxes blanca y azul y ya tendría la estrella blanca de cinco puntes sobre la franxa central.[9]

Bandera actual[editar | editar la fonte]

Mientres la xura de la independencia de Chile, izóse la bandera actual per primera vegada.
Reproducción del diseñu orixinal de la bandera.FIAV historical.svg

Disposiciones llegales[editar | editar la fonte]

Inauguración de la Bandera Bicentenariu na Plaza de la Ciudadanía, símbolu del Bicentenariu de[ ] Chile.

Notes[editar | editar la fonte]

Referencies[editar | editar la fonte]

  1. Manzo G., Rodolfo. Los verdaderos emblemas de la República de Chile: 1810-2010. «Lo peculiar es una estrella inclinada y dentro de ella, reforzándola, la wünelfe. La connotación de este emblema, por sí mismo es notable, pues representa al país. Chile está reflejado; es una "estrella de plata", "la estrella de Arauco", "la estrella solitaria", no hay dobles interpretaciones de lo que representa la estrella»
  2. Soublette Asmussen, Gastón (s/f). «Nuestro Pasado Indígena. Indigenismo de los símbolos patrios». dedaldeoro.cl. Consultáu'l 3 d'abril de 2010.
  3. Gobierno de Chile (s/f). «Emblemas patrios: La bandera». www.gobiernodechile.cl. Archiváu dende l'orixinal, el 28 de payares de 2015. Consultáu'l 14 de xineru de 2011.
  4. Ministerio de Guerra (12 de xineru de 1912), «Ley 2597: Fija los colores de la bandera nacional i de la banda presidencial, la colocación de las fajas de que se componen i el tamaño de cada una de estas con rellación a las otras», Biblioteca del Congreso Nacional de Chile, consultáu'l 25 d'avientu de 2012
  5. Ministerio del Interior de Chile (29 de xineru de 2013), «Decreto 1534: Determina los emblemas nacionales y reglamenta su uso», Biblioteca del Congreso Nacional de Chile, consultáu'l 18 de setiembre de 2016
  6. CUBARTE (s/f). «Símbolos de la nación cubana». www.nacion.cult.cu. Consultáu'l 14 de xineru de 2011.
  7. El Monitor Araucano (15 de xunu de 1813). «Decreto del Gobierno sustituyendo la bandera tricolor en lugar de la española». www.historia.uchile.cl. Consultáu'l 2 de febreru de 2009.
  8. Barros Arana, Diego (1890).
  9. Reyno Gutiérrez, Manuel (1988).