Arnold Vosloo

De Wikipedia
Saltar a navegación Saltar a la gueta
24-11-2019 16:22
Arnold Vosloo35mm film frames.svg
Arnold Vosloo 2009.jpg
Vida
Nacimientu

Pretoria[1]16  de xunu de 1962

[4] (58 años)
Nacionalidá Bandera de Sudáfrica Sudáfrica
Bandera de Estaos Xuníos d'América Estaos Xuníos
Estudios
Llingües inglés
Oficiu
Oficiu actor de cine, actor de teatruactor de televisión
IMDb nm0903677
Cambiar los datos en Wikidata

Arnold Vosloo (16 de xunu de 1962, Pretoria, Sudáfrica) ye un actor de cine y televisión sudafricanu nacionalizáu estauxunidense. Vosloo algamó la fama pola so actuación en La momia (1999) y The Mummy Returns (2001), onde interpreta a Imhotep, el personaxe del títulu; tamién interpretó al coronel sudafricanu Coetzee na película Blood Diamond.

Biografía[editar | editar la fonte]

Primeros años[editar | editar la fonte]

Arnold Vosloo nació en Pretoria, Sudáfrica, fíu de padres actores de teatru, Deon y Joyce, polo que la familia solía viaxar con frecuencia. Los Vosloo vivieron en Port Elizabeth, onde'l so padre dirixía un teatru ambulante, y n'Alberton. Tien una hermana llamada Nadia.

Carrera actoral[editar | editar la fonte]

Depués d'estudiar actuación na Performing Arts Council de Transvaal, Vosloo empezó la so carrera en teatru, ganando dellos premios Dalro poles sos interpretaciones n'obres como Don Juan, Hamlet y Môre is 'n Lang Dag (Mañana ye un llargu día). Al poco tiempu convirtióse nun actor regular del State Theatre de Pretoria. Tamién protagonizó Torch Song Trilogy y ganó otru premiu pol programa televisivu Meisie van Suid-Wes (Una moza de Sudáfrica).

En 1984, treslladóse al ámbitu del cine onde siguió llogrando distinciones pola so actuación en películes tales como Boetie gaan Border toe (El mio hermanín va a la frontera, una comedia sobre la guerra de la frontera) y Círculos nel monte (basada nel llibru de Dalene Matthee) en 1990. Vosloo tamién participó en Morenga (1985), Sábadu pela nueche nel palaciu (basada na obra teatral de Paul Slabolepszy sobre'l racismu en Sudáfrica), la secuela de Boetie, Boetie op maneuvers (Boetie de maniobra, 1986), Skeleton Coast (1987) y The Rutanga Tapes (1990).

En llegando a los Estaos Xuníos, Vosloo tornó al teatru, onde apaeció en Nacíu na R.S.A. nel Northlight Theatre de Chicago y en Salomé (1992) xuntu con Al Pacino en Nueva York.

El so debú nuna película estauxunidense asocedió en 1492: Conquest of Paradise (1992). Depués apaeció nos dos secueles de Darkman (Darkman II: The Return of Durant de 1994 y Darkman III: Die Darkman Die de 1996), tomando'l llugar de Liam Neeson como'l personaxe del filme. De siguío actuó na película de John Woo Hard Target, protagonizada por Jean-Claude Van Damme.

En 1999 Vosloo apaeció en La momia (protagonizada por Brendan Fraser) y más tarde na so secuela de 2001, The Mummy Returns; en dambos films interpretó a Imhotep, un sacerdote del Antiguu Exiptu.

Al par de la so carrera en cine, Vosloo fizo apaiciones en dellos programes de televisión, incluyendo Red shoe diaries, American Gothic (1995), Nash Bridges (1995), Charmed (2000) y Alias (2004). Foi unu de los personaxes principales de Veritas: The Quest (2003) y tamién tuvo un papel importante na cuarta temporada de 24 (2005), au interpretó al líder terrorista Habib Marwan.

Apaeció como'l coronel mercenariu Coetzee na película Blood Diamond (2006), que foi filmada en parte en Sudáfrica.

En 2009 interpretó al mercenariu Zartan en G.I. Joe: The rise of Cobra

Na sesta temporada de la serie Bones interpreta al antagonista Jacob Ripkin Broadsky siendo un francotirador que sirvió al pie de Seeley Booth, pero qu'agora empieza a matar xente que'l considera corrupta.

Nel añu 2015 participó d'un capítulu de la cuarta temporada de la serie Grimm interpretando a un cazarrecompenses denomáu Jonathon Wilde unviáu pol Conseyu Wesen pa desaniciar a una serie d'oxetivos ente los que s'atopen Nick Burkhardt.

Vida personal[editar | editar la fonte]

En 1988, Vosloo naturalizóse como ciudadanu estauxunidense y casóse cola coprotagonista de Act of Piracy, Nancy Mulford, anque divorciáronse trés años dempués. El 16 d'ochobre de 1998, volvió casase, esta vegada con Silvia Ahi. Tanto Vosloo como Ahi tresformáronse en voceros del International Fund for Animal Welfare.

Mientres una entrevista con Charlie Rose, Vosloo señaló la so paecencia col actor Billy Zane. Según Vosloo, cuando les persones s'averen a entrugar si yera él "el puntu esi de «Titanic»", contésta-yos «¡claro que sí!"» a forma de chancia.

Filmografía[editar | editar la fonte]

Añu Títulu Papel Notes
2015 Grimm Jonathon Wilde Serie televisiva
2013 G.I. Joe: Retaliation Zartan
2011 Bones Jacob Broadsky Serie televisiva
2009 G.I. Joe: The rise of Cobra Zartan
2008 Odysseus and the Isle of the Mists Odysseus
2007 Living & Dying Detective Rick Devlin
Hidden Camera Nates Película pa televisión
Shark Andre Zitofsky Serie televisiva
2006 Im Auftrag des Vatikans (Death Train) Lennart Película pa televisión
Blood Diamond Coronel Coetzee
2005 24 Habib Marwan Serie televisiva; personaxe recurrente
2004 Alias Mr. Zisman Serie televisiva
Meltdown Khalid/Sands Película pa televisión
Forgiveness Tertius Coetzee
2003 Veritas: The Quest Vincent Siminou Serie televisiva
Agent Cody Banks Francois Molay
The Red Phone: Checkmate Wolf Película pa televisión
2002 Endangered Species Warden
Con Express Anton Simeonov
Warrior Angels Luke
Global Effect Dr. Richard Hume
2001 The Red Phone: Manhunt Wolf Película pa televisión
The Mummy Returns Imhotep
2000 Charmed Darklighter Serie televisiva
1999 Strange World Home de pelo escuro Serie televisiva
La momia Imhotep
1998 Rough Draft Stefan
Progeny Dr. Craig Burton
1997 Zeus and Roxanne Claude Carver
1996 Nash Bridges Alex Abe Serie televisiva
Darkman III: Die, Darkman, Die Darkman/Dr. Peyton Westlake Película direuta a videu
1995 American Gothic Rafael Santu Serie televisiva
Perfect crimes MacMan Serie televisiva
1994 Darkman II: The Return of Durant Darkman/Dr. Peyton Westlake Película direuta a videu
1993 Red Shoe Diaries 2: Double Dare Bill
Hard Target Pick van Cleaf
1992 The Finishing Touch Mikael Gant
1492: Conquest of Paradise Guevara
1990 Circles in a Forest Saul
Living to Die Jimmy
The Rutanga Tapes Assad
Buried Alive Ken Wade
1989 Reason to Die Wilson
The Revenger Mackie
1988 Act of Piracy Sean Stevens
Gor Norman
1987 Skeleton Coast Blade
Saturday Night at the Palace Dougie
Steel Dawn Makker
1985 Morenga Schiller
1984 Boetie gaan border toe (El mio hermanín va a la frontera) Boetie

Enllaces esternos[editar | editar la fonte]

  1. 1,0 1,1 Afirmao en: Gemeinsame Normdatei. Data de consulta: 13 avientu 2014. Autor: Biblioteca Nacional d'Alemaña. Error de cita: La etiqueta <ref> ye inválida; el nome «Q36578» ta definíu delles vegaes con distintu conteníu
  2. Afirmao en: Internet Broadway Database. Identificador de persona d'Internet Broadway Database: 72533. Apaez como: Arnold Vosloo. Data de consulta: 9 ochobre 2017. Llingua de la obra o nome: inglés.
  3. Afirmao en: filmportal.de. Identificador Filmportal: 687aefbb79b6472ba6faa00cb302dab4. Apaez como: Arnold Vosloo. Data de consulta: 9 ochobre 2017.
  4. Afirmao en: GeneaStar. GeneaStar person ID: voslooarnol. Apaez como: Arnold Vosloo.