Ana Pontón

De Wikipedia
Saltar a navegación Saltar a la gueta
Ana PontónPicto infobox character.png
Ana Pontón, XV Asemblea Nacional Bloque Nacionalista Galego 18.jpg
Escudo de Galicia.svg
Diputada del Parllamentu de Galicia

7 febreru 2004 -
BNG logo.svg
Vocera nacional del BNG

28 febreru 2016 -
Xavier Vence
Vida
Nacimientu

Sarria27  de xunetu de 1977

(43 años)
Nacionalidá Flag of Spain.svg España
Estudios
Estudios Universidá de Santiago de Compostela
Llingües castellanu
gallegu
Oficiu
Oficiu política
Creencies
Partíu políticu Bloque Nacionalista Galego
Cambiar los datos en Wikidata

Ana Belén Pontón Mondelo (27  de xunetu de 1977Sarria) ye una política española del Bloque Nacionalista Galego (BNG), partíu del que ye, tamién, el so voceru nacional. En febreru de 2016 tres la XV Asamblea Nacional de la formación, convirtióse na primer muyer en lliderar el partíu. Nes eleiciones autonómiques de setiembre de 2016 llogró 6 escaños pal BNG, remontando les encuestes qu'agoraben un importante descensu.

Trayeutoria[editar | editar la fonte]

Llicenciada en Ciencies Polítiques y de l'Alministración pola Universidá de Santiago de Compostela.

Con 16 años entamó a militar en Galiza Nova, les mocedaes del BNG. En Santiago de Compostela participó nos Comités Abertos de Facultaes, siendo escoyida representante na Xunta de la Facultá de Ciencies Polítiques y nel claustru.

Ente 2000 y 2004 foi miembru de la direición nacional y de la Comisión Permanente de Galiza Nova, siendo secretaria d'organización ente 2000 y 2003.

Na IX Asamblea Nacional foi escoyida miembru del Conseyu Nacional del BNG. El 7 de febreru de 2004 aportó como diputada al Parllamentu de Galicia, siendo voceru en temes de mocedá ya igualdá de xéneru.​ Nes eleiciones autonómiques de 2005 foi escoyida diputada, exerciendo como vocera de Mocedá, Mediu Ambiente ya Igualdá, amás de ser presidenta de la Comisión d'Agricultura.

Participó n'eventos como'l Festival Mundial de la Mocedá y los Estudiantes de Cuba en 1997, na Marcha Mundial de les Muyeres de Bruxeles nel añu 2000, o'l Foru Social Mundial de Porto Allegre (Brasil) en 2002.

Collabora cola publicación Terra y Tempo.

El 8 de febreru de 2012 anuncióse que sustituyiría a Carlos Aymerich como voceru del BNG nel Parllamentu gallegu hasta les eleiciones d'esi mesmu añu, tres les que sedría relevada pel cabeza de llista Francisco Jorquera.

A principios de 2016, tres los malos resultaos eleutorales collechaos por Nós-Candidatura Galega, que llideraba'l BNG, Xavier Vence anunció que nun repitiría como voceru nacional del BNG, postulándose asina Ana Pontón como uno de los dos - y principal - candidatu a la sucesión na XV Asamblea Nacional​ del BNG, celebrada n'A Coruña el 28 de febreru de 2016, onde foi escoyida Voceru Nacional del BNG y principal candidata a les eleiciones al Parllamentu de Galicia.

Nes eleiciones del 25 de setiembre de 2016 llogró remontar les encuestes y llograr 6 escaños pal BNG nel Parllamentu Gallegu, convirtiéndose nuna de les trunfadores de los comicios, consolidando'l so lideralgu.

Na XVI Asemblea Nacional del BNG, celebrada a caberos de marzu de 2017, foi reelexida voceru nacional del BNG col cuasi unánime sofitu (98,23%) de les bases.

Referencies[editar | editar la fonte]