Alphecca

De Wikipedia
Saltar a: navegación, buscar
Alphecca
Alphecca A/B
Constelación Corona Borealis
Ascensión reuta α 15h 34min 41,3s
Declinación δ +26º 42’ 53’’
Distancia 75 ± 1 años lluz
Magnitú visual +2,21 (+2,24 / +7,1)
Magnitú absoluta +0,18 / +5,0
Lluminosidá 60 / 0,7 soles
Temperatura 10.000 / ? K
Masa 2,7 / 0,92 soles
Radiu 2,7 / 1 soles
Tipu espectral A0V / G5V
Velocidá radial +1,7 km/s
Otros nomes HD 139006 / HR 5793
HIP 76267 / GJ 9524

Alphecca ye'l nome de la estrella α Coronae Borealis (α CrB / 5 Coronae Borealis), la más brillosa de la constelación de Corona Boreal, con magnitú aparente +2,23.[1]

Nome[editar | editar la fonte]

El nome de Alphecca provién del árabe al-na´dir al-fakkah, «la (estrella) brillosa nel (aníu) rotu». α Coronae Borealis tamién ye llamada Gemma, títulu que nun s'usaba na antigüedá. Una posible etimoloxía del términu puede tar rellacionada col so significáu orixinal, «brotu», en referencia a les flores ensin abrir y a les fueyes de la corona floral, lo que taría acordies con la primer idea de la constelación.[2]

Esta estrella apaez nes Xeórxiques de Virxiliu como Gnosia (Stella Coronae) , otru nome col que-y la designa. Recuerda a esti astru como la estrella de Ariadna, faciendo referencia al orixe d'esta postrera («de Knossos»).

Al ser la estrella central ente les siete más brillosos de la figura, na dómina moderna denominó-ylo Margarita Coronae, la perlla de la corona, títulu que n'ocasiones apaez como Santa Margarita.[2]

Carauterístiques físiques[editar | editar la fonte]

Alphecca ye una estrella binaria que la so componente principal ye una estrella blanca de la secuencia principal de tipu espectral A0V. Asemeyáu a Vega (α Lyrae), tien una temperatura superficial de 10.000 K y ye 67 vegaes más lluminosa qu'el Sol. La so masa ye 2,7 vegaes mayor que la masa solar y el so radiu ye 2,7 vegaes más grande qu'el de la nuesa estrella; la so velocidá de rotación, 133 km/s, supón que completa un xiru sobre sigo mesma cada 10 díes. La estrella acompañante, Alphecca B, ye una nana mariella de tipu G5V. Non bien distinta del Sol —y bien paecida a 61 Virginis, por casu—, tien una masa equivalente al 92% de la masa solar.[3]

El sistema constitúi una binaria eclipsante; la nana mariella clisa al so brillosu compañera cada 17,3599 díes, resultando un pequeñu amenorgamientu na magnitú aparente del sistema de +2,21 a +2,32.[4] La separación media ente les dos estrelles ye de 0,20 UA y la rotación de dambes nun ta sincronizada.

La estrella blanca ta arrodiada por un discu de acrecimientu, como l'antes citada Vega o γ Ophiuchi, lo que plantega la posible esistencia d'un sistema protoplanetariu. Pela so parte, Alphecca B ye una importante fonte de rayos X, lo qu'implica una elevada actividá magnética.[3]

Tamién hai que señalar que Alphecca forma parte de la llamada corriente de la Asociación estelar del sietestrellu, conxuntu d'estrelles con un probable orixe común que se mueven conjuntamente al traviés del espaciu.

Referencies[editar | editar la fonte]

  1. Alphecca (SIMBAD)
  2. 2,0 2,1 Allen, Richard Hinckley (1889). «Corona Borealis», en Courier Dover Publications: Star Names — Their Lore and Meaning (en inglés), 563. ISBN 0-486-21079-0.
  3. 3,0 3,1 Alphecca or Gemma (Stars, Jim Kaler)
  4. Malkov, O. Yu.; Oblak, Y.; Snegireva, Y. A.; Torra, J.. «A catalogue of eclipsing variables». Astronomy and Astrophysics 446. pp. 785-789. http://cdsads.u-strasbg.fr/cgi-bin/nph-bib_query?2006A%26A...446..785M&db_key=AST&nosetcookie=1. 

Ver tamién[editar | editar la fonte]