Alfa Camelopardalis

De Wikipedia
Saltar a navegación Saltar a la gueta
Alfa Camelopardalis
Alfa Camelopardalis
Constelación Camelopardalis
Ascensión reuta α 04h 54min 03,01s
Declinación δ +66º 20’ 33,6’’
Distancia 3200 años lluz (aprox)
Magnitú visual +4,26
Magnitú absoluta -7,38
Lluminosidá ~ 676.000 soles (bolométrica)
Temperatura 30.000 K
Masa ~ 38 soles
Tipu espectral O9.5Iae
Velocidá radial +6,1 km/s

Alfa Camelopardalis (α Cam / 9 Camelopardalis / HD 30614)[1] ye la tercera estrella más brillosa de la constelación de Camelopardalis —la xirafa—, tres β Camelopardalis y CS Camelopardalis, con magnitú aparente +4,26. Ye una estrella bien alloñada del Sistema Solar, de que la so distancia nun esiste una midida precisa. Si, como tradicionalmente consideróse, Alfa Camelopardalis ye una estrella fuxitiva del cúmulu NGC 1502, alcuéntrase a unos 3200 años lluz; sicasí, la distancia llograda a partir de la paralax midida pol satélite Hipparcos, conduz a un valor enforma mayor, en redol a 7000 años lluz.

Alfa Camelopardalis ye una superxigante azul de tipu espectral O9.5Iae. Ye una estrella bien caliente, con una temperatura superficial de 30.000 K. Considerando 3200 años lluz la distancia que nos dixebra d'ella, la so lluminosidá —incluyida la enerxía radiada nel ultravioleta— ye equivalente a 676.000 soles, siendo una de les estrelles más lluminoses de la Vía Lláctea.[2] Pierde masa estelar a razón de 6 millonésimes de la masa solar cada añu. Tien una masa envalorada de 38 mases solares[2] —otres fontes señalen una masa ente 25 y 30 vegaes la del Sol—,[3] siendo'l so destín últimu acabar los sos díes esplotando como una brillosa supernova.[4]

Ver tamién[editar | editar la fonte]

Referencies[editar | editar la fonte]

Coordenaes: Sky map 4h 54m 3.01s, 66° 20 33.636