Adid Australis

De Wikipedia
Saltar a navegación Saltar a la gueta
Adid Australis
Adid Australis A
Constelación Perseus
Ascensión reuta α 03h 57min 51,2s
Declinación δ +40º 00’ 37’’
Distancia 540 años lluz (aprox)
Magnitú visual +2,90
Magnitú absoluta -3,19
Lluminosidá 24.900 soles
Temperatura 27.600 K
Masa 14 soles
Radiu 7 soles
Tipu espectral B0.5V
Velocidá radial +1 km/s

Adid Australis ye'l nome de la estrella ε Persei (ε Per / 45 Persei),[1] la cuarta más brillosa de la constelación de Perséu dempués de Mirfak (α Persei), Algol (β Persei) y Menkib (ζ Persei). La so magnitú aparente ye +2,90 y alcuéntrase a 540 años lluz del Sistema Solar.

Adid Australis ye una estrella múltiple que la so componente primaria, Adid Australis A, ye una caliente estrella azul de la secuencia principal. De tipu espectral B0.5V, tien una temperatura superficial de 27.600 K. La so lluminosidá, teniendo en cuenta una importante proporción emitida como radiación ultravioleta, ye equivalente a 24.900 soles. Dientro de la astronomía, ye conocida como una variable d'espectru» estrema; la forma de les sos llinies d'absorción varia rápido mientres periodos múltiples ente 2,27 y 8,46 hores, rellacionaos de la mesma con pequeñes fluctuaciones de rellumu. La so velocidá de rotación ye de siquier 134 km/s, implicando un periodu de rotación inferior a 2,6 díes; pela so parte, les oscilaciones nel espectru suxuren un periodu de 1,7 díes. Les variaciones espectrales plantegen la posible presencia d'una compañera cercana con un periodu orbital de 14 díes.[2] Coles mesmes, Adid Australis A ta catalogada como variable Beta Cephei, bazcuyando'l so rellumu 0,12 magnitúes.[3] Con una edá de menos de 10 millones d'años y una masa de 14 mases solares, nunos millones d'años va esplotar como una brillosa supernova.[2]

Adid Australis B, de magnitú +7,59,[4] alcuéntrase visualmente a a 10 segundos d'arcu de Adid Australis A. Ye una estrella blanca de la secuencia principal de tipu A2V, que la so separación cola componente A ye de siquier 1600 UA. El periodu orbital d'esta binaria ye igual o mayor de 16.000 años.[2]

Referencies[editar | editar la fonte]