Accademia Carrara

De Wikipedia
Saltar a navegación Saltar a la gueta
Accademia Carrara
galería de arte (es) Traducir y pinacoteca (es) Traducir
Bergamo accademia carrara esterno.jpg
Llocalización
PaísBandera d'Italia Italia
RexónBandera de Lombardía Lombardía
ProvinciesProvincia de Bérgamo
ComuñaBérgamo
Coordenaes 45°42′14″N 9°40′32″E / 45.70386°N 9.67561°E / 45.70386; 9.67561Coordenaes: 45°42′14″N 9°40′32″E / 45.70386°N 9.67561°E / 45.70386; 9.67561
Accademia Carrara alcuéntrase n'Italia
Accademia Carrara
Accademia Carrara
Accademia Carrara (Italia)
Historia
Fundación1793
Fundador Giacomo Carrara
Orixe del nome Giacomo Carrara
Participación empresarial
Formáu por Q66444260 Traducir
Web oficial
Cambiar los datos en Wikidata

L'Accademia Carrara ye una pinacoteca y una academia de bellas artes que s'atopa na ciudá de Bérgamu.

L'orixe de la pinacoteca débese al conde Giacomo Carrara, mecenas y collecionista que dexóu un xenerosu llegáu a la ciudá de Bérgamu a finales del sieglu XVIII. A la muerte del conde, nel 1796, tolos sous bienes xestionórunse por una fundación a favor de l'academia que los xestionóu dica'l 1958, cuandu la xestión pasóu a manes del conceyu de Bérgamu. En 1810 construyóuse'l nueu edificu de formas neoclásicas proxeutáu pol arquiteutu Simone Elia, alumnu de Leopoldo Pollack.

Conos años, el muséu continuóu xorreciendo'l so patrimoniu con mercas y donaciones. Anguaño poseye 1.800 pinturas de los sieglos XV al XIX d'artistas comu Pisanello, Botticelli, Bellini, Mantegna, Rafael, Moroni, Baschenis, Fra Galgario, Tiepolo, Canaletto y Piccio.

Xunta las pinturas esisten una colleición de grabaos y dibuxos, esculturas, valeiraos de bronce y porcelanas, amás de muebles y medayes.

En 1793, na dómina de la primera apertura pública de la galería, el conde Giacomo Carrara quixo que nel mesmu llugar aniciarase un cursu de diseñu y pintura. La escuela funcionóu dica 1912 nel edificiu decimonónicu qu'abellugaba tamién la pinacoteca; actualmente dispone d'una sede propia nún edificiu axacente. En 1988 devieno llegalmente reconocida comu Academia de las Bellas Artes.

En 1991 axuntóuse la Galleria d'Arte Moderna e Contemporánea (GAMEC) allugada nu complexu arquiteutónicu que te frente al edificiu neoclásicu qu'abelluga la pinacoteca, nos restauraos antigos Monasteri delle Dimesse e delle Servite. Anguaño, cunta con diez salas d'esposición, espardías en tres plantes.

Dende xunu de 1999, cona merca de la Colleición Gianfranco e Luigia Spajani, las colleiciones permanentes caltienen obras d'artistas italianos y estranxeiros del sieglu XX comu:Boccioni, Balla, Morandi, Campigli, Casorati, Savinio, De Chirico, Kandinsky, Sutherland y Manzù.

Enllaces esternos[editar | editar la fonte]