9 Ceti

De Wikipedia
Saltar a navegación Saltar a la gueta
9 Ceti
9 Ceti
Constelación Cetus
Ascensión reuta α 00h 22min 51,79s
Declinación δ –12º 12’ 34,0’’
Distancia 66 años lluz
Magnitú visual +6,39
Magnitú absoluta +4,84
Lluminosidá 1,01 soles
Temperatura 5767 K
Masa 0,93 soles
Radiu 1,1 soles
Tipu espectral G3V
Velocidá radial –6,8 km/s

9 Ceti (9 Cet / HD 1835 / HR 88 / HIP 1803)[1] ye una estrella variable de magnitú aparente +6,38. Alcuéntrase nel rincón suroeste de la constelación de Cetus, al suroeste de ι Ceti, noroeste de Deneb Kaitos (β Ceti) y al norte de 6 Ceti. Alcuéntrase a 66 años lluz de distancia del Sistema Solar.

9 Ceti ye una nana mariella de tipu espectral G3V[1] con una temperatura efectivo de 5767 K.[2] Llixeramente más lluminosa qu'el Sol, el so diámetru ye daqué más grande qu'el de la nuesa estrella —aproximao un 10% mayor—,[3] anque la so masa paez ser daqué inferior a la masa solar, equivalente al 93% de la mesma.[4] Presenta una metalicidá un 44% mayor que la del Sol,[2] reparándose'l mesmu enclín n'otros elementos como magnesiu, níquel y siliciu.[5]

A diferencia del Sol, que la so edá ye de 4600 millones d'años, 9 Ceti ye una estrella bien nueva, con una edá de namái 600 millones d'años.[6] La so edá envalorada per aciu xirocronoloxía ye inclusive inferior, en redol a 400 millones d'años.[7] Ta clasificada como una variable BY Draconis, recibiendo la denominación de variable BE Ceti;[1] la variabilidá tien el so orixe na presencia de manches escures qu'entren y salen del campu de visión por cuenta de la rápida rotación, una y bones el periodu de rotación ye de 7,7 díes. Conócense dos ciclos d'actividá cromosférica de 9,1 y 6,7 años, pudiendo esistir superpuestu a ellos un ciclu más llargu de 25 años.[8]

Referencies[editar | editar la fonte]