48 Persei

De Wikipedia
Saltar a navegación Saltar a la gueta
48 Persei
48 Persei
Constelación Perséu
Ascensión reuta α 04h 08m 39,69s
Declinación δ +47º 42’ 45,0’’
Distancia 553 años lluz
Magnitú visual +4,00
Magnitú absoluta -2,19
Lluminosidá 3980 soles (bolométrica)
Temperatura 17.200 K
Masa 7 soles
Radiu 7,1 soles
Tipu espectral B3Ve
Velocidá radial +0,8 km/s

48 Persei (48 Per / c Persei / HD 25940 / HR 1273)[1] ye una estrella na constelación de Perséu de magnitú aparente +4,00. Alcuéntrase a unos 553 años lluz de distancia del Sistema Solar.

48 Persei ye una estrella blancu-azulada de tipu espectral B3Ve[1] con una lluminosidá —incluyendo una gran cantidá de radiación emitida como lluz ultravioleta— 3980 vegaes mayor que la lluminosidá solar.[2] Ta catalogada como estrella Be;[1] éstes son estrelles calientes de tipu B de rápida rotación que se topen arrodiaes por un discu ecuatorial de gas de la so propia creación. La inestabilidá del discu de 48 Persei provoca una variación nel so rellumu d'aproximao una décima de magnitú, ensin qu'esista un periodu definíu.[2] Como estrella variable, 48 Persei recibe tamién la denominación de MX Persei.[1]

La velocidá de rotación proyeutada de 48 Persei ye de 190 km/s, anque'l valor real puede averase a los 370 km/s, yá que s'envalora que'l discu ta inclináu 31º al respective de nós. La rápida rotación fai qu'esta clase d'estrelles nun tengan forma esférica sinón elipsoidal. Arriendes d'ello, la temperatura d'estes estrelles ye malo de definir, yá que debíu al escurecimientu gravitatoriu la temperatura nos polos ye mayor que nel ecuador —fenómenu reparáu en Regulus A (α Leonis)—, envalorándose la temperatura de 48 Persei en 17.200 K. Con un radiu de 7,1 radios solares, el so periodu de rotación ye d'aproximao un día. La so masa envalorada ye 7 vegaes mayor que la del Sol y la so edá cífrase en 40 millones d'años; piénsase qu'en namái unos pocos millones d'años va rematar la fusión nuclear del so hidróxenu internu, empezando'l so tresformamientu nuna xigante colorada muncho más lluminosa.[2]

Referencies[editar | editar la fonte]