25 Monocerotis

De Wikipedia
Saltar a navegación Saltar a la gueta
25 Monocerotis
25 Monocerotis
Constelación Monoceros
Ascensión reuta α 07h 37min 16,7s
Declinación δ -04º 06’ 40’’
Distancia 202 años lluz
Magnitú visual +5,14
Magnitú absoluta +1,18
Lluminosidá 71 soles
Temperatura 6449 K
Masa 2,2 soles
Radiu 6,2 soles
Tipu espectral F6III
Velocidá radial +46,0 km/s

25 Monocerotis (25 Mon / HD 61064 / HR 2927)[1] ye una estrella na constelación de Monoceros, el unicorniu, de magnitú aparente +5,14. Alcuéntrase a 202 años lluz del Sistema Solar.

25 Monocerotis ye una xigante blancu-mariella de tipu espectral F6III con una temperatura superficial de 6449 K.[2] Relluma con una lluminosidá 71 vegaes superior a la del Sol y el so diámetru ye 6,2 vegaes más grande que'l diámetru solar.[3] Rota con una velocidá de siquier 20 km/s.[4] Tien una masa envalorada de 2,2 mases solares con una edá averada de 530 millones d'años[3] —un 12% de la edá del Sol—. A diferencia de les xigantes de tipu K o G tardíu, relativamente abondosos, les xigantes de tipu F son bien escases; ente éstes, cabe solliñar a ρ Puppis pola so semeyanza con 25 Monocerotis.

25 Monocerotis tien una elevada metalicidá, siendo la rellación ente'l conteníu de fierro y el d'hidróxenu 2,6 vegaes mayor que nel Sol.[2][5] Coles mesmes, amuesa sobreabundancia d'elementos como fierro, níquel y bariu; sicasí, ye'l calciu l'elementu qu'amuesa un conteníu relativo más altu, más de cuatro veces percima del valor solar.[3]

Piénsase que 25 Monocerotis puede ser una variable del tipu Delta Scuti, con una pequeña variación de rellumu de 0,01 magnitúes.[6]

Referencies[editar | editar la fonte]

  1. NSV 3665 - Variable Star of delta Sct type (SIMBAD)
  2. 2,0 2,1 Mármol-Queraltó, Y.; Cardiel, N.; Cenarro, A. J.; Vazdekis, A.; Gorgas, J.; Pedraz, S.; Peletier, R. F.; Sánchez-Blázquez, P. (2008). «A new stellar library in the region of the CO index at 2.3 μm. New index definition and empirical fitting functions». Astronomy and Astrophysics 489 (2). pp. 885-909. http://cdsads.u-strasbg.fr/cgi-bin/nph-bib_query?2008A%26A...489..885M&db_key=AST&nosetcookie=1. 
  3. 3,0 3,1 3,2 Rachkovskaya, T. M. (2005). «Abundances of Carbon, Nitrogen, Oxygen, and Other Elements in the Atmospheres of the Giants 25 Mon and HR 7389». Astronomy Reports 49 (9). pp. 714-723. http://cdsads.u-strasbg.fr/cgi-bin/nph-bib_query?2005ARep...49..714R&db_key=AST&nosetcookie=1. 
  4. Böhm-Vitense, Erika (2004). «Rotation and Lithium Surface Abundances, Revisited». The Astronomical Journal 128 (5). pp. 2435-2442. http://cdsads.u-strasbg.fr/cgi-bin/nph-bib_query?2004AJ....128.2435B&db_key=AST&nosetcookie=1. 
  5. Cenarro, A. J.; Peletier, R. F.; Sánchez-Blázquez, P.; Selam, S. O.; Toloba, E.; Cardiel, N.; Falcón-Barroso, J.; Gorgas, J.; Jiménez-Vicente, J.; Vazdekis, A. (2007). «Medium-resolution Isaac Newton Telescope library of empirical spectra - II. The stellar atmospheric parameters». Monthly Notices of the Royal Astronomical Society 374 (2). pp. 664-690. http://cdsads.u-strasbg.fr/cgi-bin/nph-bib_query?2007MNRAS.374..664C&db_key=AST&nosetcookie=1. 
  6. NSV 3665 (General Catalogue of Variable Stars)

Coordenaes: Sky map 7h 37m 16.691s, -4° 6 39.527