Verdadera Ilesia de Xesús

De Uiquipedia
Saltar a: navegación, buscar

La Verdadera Ilesia de Xesús ye una relixón cristiana fundada oficialmente l'añu 1917 por Paul Wei, na ciudá de Pequín, China. Ta considerada como una derivación china de la Ilesia pentecostalista, que tien abonda presencia n'Asia, Norteamérica, Europa Occidental, América llatina y África. Cunta con 1,5 millones de feligreses en tol mundiu.

Diez Doctrines[editar | editar la fonte]

  1. L'Espíritu Santu; "La recepción del Espíritu Santu, manifestada falando n'estremaes llingües, ye la garantía de la herencia nel reinu del cielu."
  2. El Bautismu: "El bautismu n'agua ye'l sagramentu p'allimpiar los pecaos, pa la rexeneración. El bautismu ha ser n'agua corriente ñatural, como la d'un ríu, la mar, o la d'un manantial."
  3. La Llavadura de Pies: "El sagramentu del llaváu de pies permite a ún tener una parte col Xesús. Tamién sirve como alcordanza constante de qu'ún ha tener amor, santidá, humildanza, perdón y serviciu."
  4. La Santa Comunión: "La santa comunión ye'l sagramentu pa remembrar la muerte de Xesucristu. Permíte participar de la carne y del sangre de Cristu y tar en comunión con elli pa poder tener vida eterna y resucitar nel caberu día."
  5. El Sábadu: El día de reposu, el sétimu día la selmana (sabadu) ye un día santu, bendecíu y santificau por Dios, ha ser vistu baxo la gracia'l Señor, pa la comemoranza de la creación y la salvación provista por Dios, cola esperanza de descansu eternu na vida por venir.
  6. Xesucristu: "Xesucristu, el verbu fechu carne, morrió na cruz pa redimir a los pecadores, resucitó al tercer día y ascendió al cielu. Él ye l'únicu salvador de la humanidá, el creador de los cielos y de la tierra, y l'únicu dios verdaderu"
  7. La Biblia: "La santa Biblia, formada pol vieyu y el nuevu testamentu, ye inspirada por Dios, la única verdá escrita, y l'estándar pa la vida cristiana."
  8. La Salvación: "La salvación ye dada pola gracia de Dios a través de la fe. Los creyentes han enfotase nel Espíritu Santu, pa perseguir la santidá, pa honrar a Dios, y p'amar a la humanidá."
  9. La Ilesia: La Ilesia establecida por Xesucristu, al traviés del Espíritu Santu demientres la domina de la "lluvia cabera" ye la llesia verdadera refecha del tiempu apostólicu.
  10. La Segunda Venida: "La Segunda Venida del Señor tendrá llugar nel caberu día, cuandu amiye del cielu pa xulgar al mundiu. Los xustos recibirán vida eterna, pero los impíos albardarán condergación eterna".

Enllaces esternos[editar | editar la fonte]