Unidá Nacionalista Asturiana

UNIDÁ NACIONALISTA ASTURIANA (UNA)




Cabezalera	Yolanda Huergo
Líder
Voceros	Daniel Fernández Blanco y Tino Fernández

Fundación	1988

Refundación	21 de xunu de 2008
Disolución	{{{disolución}}}
Sede	Plaza de Riego, Nu 3, Uviéu

Ideoloxía política	Nacionalista asturiana, Socialista y Ecoloxista
Afiliación internacional	Nun tien

Sitiu web	http://www.unida.as/ Archiváu 2007-09-28 en Wayback Machine

Unidá Nacionalista Asturiana (UNA) ye anguaño una federación de partíos formada por Andecha Nacionaliega, IAS, Andecha por Carreño, Asturianistes ya independientes.

Historia

Primer etapa

Al entamu foi un partíu políticu asturianu que xurdió de la xuntura, en 1988, de dos organizaciones nacionalistes d'izquierda: Ensame Nacionalista Astur (ENA) y la Xunta Nacionalista Asturiana.

Tres les eleiciones de 1989, abriríase una vía ente les executives d'UNA y Partíu Asturianista (PAS) que remata nuna coalición de cara a les eleiciones asturianes de 1991, que fizo que, en marzu de 1990, nueve miembros de la so Xunta Nacional, miembros d'una corriente crítica d'opinión y críticos cola coalición col PAS, fueren espulsaos de la organización polos otros 14 miembros d'esi muérganu. Estes persones, depués, fundaríen Andecha Astur y Izquierda Asturiana.

UNA y el PAS lleguen a un alcuerdu eleutoral y formen Coalición Asturiana pa presentase a les eleiciones de mayu de 1991 con Xuan Xosé Sánchez Vicente presidente del PAS como cabezaleru. Coalición Asturiana algama 14.500 votos que-y da a Sánchez Vicente l'acta de diputáu na Xunta Xeneral.

Poco dempués d'una frustada negociación de fusión ente dambes organizaciones (un añu dempués d'entamar la llexislatura) frañó la Coalición Asturiana por mor de la engarradiella dialéutica ente los líderes de dambes, Felechosa de la UNA y Xuan Xosé Sánchez Vicente del PAS, disolviéndose la UNA. Miembros d'Unidá Nacionalista Asturiana como Felechosa (que dempués taría na Lliga Asturiana, y años depués como conceyal del Partíu Popular (PP) n'Uviéu), Pepe Fernández Alonso (más llueu Secretariu d'Organización del Partíu Asturianista) y Juan Carlos Fernández Castañón (más llueu na nueva Unidá Nacionalista Asturiana) por mor de les negociaciones rexistraríen el Partido de Coalición Asturiana^[1].

Resultaos eleutorales

Unidá Nacionalista Asturiana (UNA) presentárase yá a les eleiciones europees de 1989 con José Suárez "Felechosa" de candidatu, anque non ensin divisiones internes sobre lo acertao d'esta participación. Tamién nesi añu, n'ochobre, UNA preséntase a les eleiciones estatales, lo que supunxo un desgaste económicu al acudir a dos cites eleutorales nun añu. Nesta convocatoria, UNA, algama 3.164 votos (un 0,54% del total) y el Partíu Asturianista (PAS), algamare 3.476 votos (un 0’57 %).

Congresu de los Diputaos

Añu	votos	% votos
1989	3.218	0,53%

Senáu d'España

Añu	Candidatu	votos
1989	Francisco Alonso Mori Juan Carlos Fernández Castañón Ramón Francisco Velasco Fernández	4.425 3.402 3.129

Parllamentu Européu

Añu	votos	% votos
1989	4.705	0,99%

Unidá y refundación

Más de 15 años depués, el 21 de xunu de 2008, la coalición que primero se nomara UNIDÁ refunda la UNA, tresfarmándolu nuna federación de partíos.

UNIDÁ foi una coalición de partíos formada por Izquierda Asturiana (IAS), militantes vinientes d'Andecha Astur (AA) baxo'l nome d'Andecha Nacionaliega (AN) y por partíos llocales: Andecha por Carreño y Asturianistes por Nava, amás d'una riestra de formaciones lLocales d'Unidá como les d'Avilés o Xixón.

Esta organización, de calter nacionalista, d'izquierda y ecoloxista, presentose a les eleiciones de mayu de 2007 como coalición con otru partíu más: Los Verdes-Grupu Verde.

La coalición UNIDÁ yera'l resultáu d'ún de los preseos que taba guetando un ampliu sector del nacionalismu asturianu. Dende la creación d'Andecha Astur (AA) y un añu depués Izquierda Asturiana (IAS), dambes formaciones polítiques taben lluchando por un mesmu espaciu politicu.

El fechu de dir de la mano nes eleiciones autonómiques y de conceyos de 2007 nun fuera cenciello. Como en tolos partíos hebo un sector pautista y otru conservador, a lo cabero la demanda social y política qu'esixía una parte de la sociedá asturiano, que quería un partiu nacionalista d'izquierdes y ecoloxista fuerte decantó la balanza pal llau pautista.

Pela so parte Andecha Nacionaliega, punxo'l so enfotu en conservar el so nome orixinal: Andecha Astur, ganando en toles ocasiones los xuicios que se socedieron.

En pasando la dómina eleutoral UNIDÁ siguió calteniendo la so actividá tanto nos conceyos como a nivel asturianu, celebrando'l tradicional Día de la nación asturiana, el 8 de setiembre como venia siendo vezu nel nacionalismu asturianu con una espicha, pero por primer vegada como coalición, a pesares de que yá nun taben los verdes nin andecha. Al empar taba trabayándose nuna nueva refundación pa convertir a la coalición nuna federación de partíos.

Los resultaos nes eleiciones xenerales de 2008 foron de 848 votos [0,12 %] tando perlloñe del diputáu y consideráronse un fracasu, yá que el partíu que la forma, IAS, algamara nes eleiciones de 2004 831 votos.

El procesu nel que taba inxertu la coalición p'algamar una federación de partíos, finó, a la fin, el 21 de xunu de 2008, cuando se recuperó'l nome d'Unidá Nacionalista Asturiana.

Resultaos eleutorales

Parllamentu Européu

Añu	votos	% votos
2009	1.155	0,27%

Predecesor:
Ensame Nacionalista Astur
(ENA)
Xunta Nacionalista Asturiana
(XNA)

Partíu políticu
UNA 1988-1991

Socesor:
Coalición Asturiana (PAS-UNA)

Predecesor:
UNIDÁ

Federación de partíos
UNA 2008-

Socesor:
Compromisu por Asturies

Ver tamién

Referencies

↑ Partido de Coalición Asturiana, nel Rexistru de Partíos 16/06/1992 Archiváu 2009-12-13 en Wayback Machine.

Enllaces esternos

Sitiu web oficial d'Unidá Nacionalista Asturiana Archiváu 2007-09-28 en Wayback Machine

[1] Partido de Coalición Asturiana, nel Rexistru de Partíos 16/06/1992 Archiváu 2009-12-13 en Wayback Machine.

[1]