Partíu Asturianista
De Uiquipedia
| Sigles: | PAS |
|---|---|
| Fundáu en: | 1985 |
| Presidente: | Xuan Xosé Sánchez Vicente |
| Secretariu Xeneral: | Xesús Cañedo Valle |
| Secretariu d'Organización: | Pepe Fernández Alonso |
| Ideoloxía: | nacionaliegu (asturianista), centro-esquierda |
| Ámbitu: | Asturies |
| Llar nacional: | La cai d'El Riberu, 34 - 1u Derecha,Avilés, Asturies |
| Afiliaos: | --- |
| Colores: | blancu, azul y verde |
| Estáu: | N'activu |
| Web: | www.asturianista.as |
El Partíu Asturianista (PAS) ye un partíu políticu "asturianista, interclasista y de progresu" sigún los sos Estatutos fundáu en 1985 por Xuan Xosé Sánchez Vicente, Carlos Rubiera, Sabel Tuñón, Xesús Cañedo Valle y otres persones. La Xuventú Asturianista ye la so estaya moza.
Tabla de conteníos |
[editar] Hestoria
Tres la salida de Sánchez Vicente del PSOE en 1983, ésti funda'l Partíu Asturianista, que se llegaliza en payares de 1985 [1]. Ente los sos oxetivos taba un proyeutu de reforma del Estatutu d'Autonomía nel que se proponía qu'Asturies fuese reconocía como nacionalidá histórica, se-y diese la oficialidá al asturianu y nel que se reclamasen les másimes competencies d'autogobiernu permitíes pola Constitución española de 1978.
_IMGP0524.jpg)
En 1988 el partíu cellebra la 1ª Conferencia Nacional, de la que sal aprobáu'l documentu fundacional del partíu y decídese concurrir a les eleiciones autonómiques d'esi añu, de les cuales saldría como la quinta fuercia política asturiana. Un añu dempués el PAS preséntase a les eleiciones al Parllamentu Européu dientru d'una candidatura de partíos nacionaliegos de toa España y a les Cortes.
En 1991 cellebra'l so primer congresu nacional nel qu'apreba'l Documentu d'Ideoloxía y Estratexa y decide formar una coalición ellectoral con otru partíu nacionalegu, l'UNA. Nes eleiciones del 25 de mayu d'esi añu la coalicción algama un diputáu na Xunta Xeneral na persona de Sánchez Vicente y seis conceyales en cinco conceyos distintos. Ye la primer vegada dende la restauración de la democracia na qu'un miembru d'un partíu nacionaliegu consigue un puestu na Xunta. Estos resultaos caltendríense nes autonómiques de 1995, onde amás llogróse l'alcaldía de Nava.
Demientres la segunda parte de la llexislatura de 1995 a 1999 el PAS sofitó al gobiernu de Sergio Marqués pa sacar alantre los presupuestos xenerales. Gracies a esti sofitu aprebóse una llei de promoción del asturianu (Llei d'Usu y Promoción del asturianu/bable de 1998), pasu previu encamináu a la futura oficialidá de la llingua, lo que ye ún de los mayores llogros de la formación.
Nel segundu y tercer congresos nacionales del partíu, en 1994 y 1998 respectivamente, aprébense documentos como la Ponencia d'Empobinamientu Políticu y les estratexes polítiques del partíu.
[editar] Anguaño
Dende 1999 el PAS nun tien representación na Xunta Xeneral, lo que-y quita proyección pública. Pa les eleiciones autonómiques de 2007 presentose aconceyáu con URAS na Unión Asturianista. Nestes eleiciones autonómiques de 2007 nun algamó nengún diputáu na Xunta Xeneral teniendo la coalición 13.255 votos, faltando-y 2500 votos nel centru d´Asturies p´algamalu [2].
Eso sí, nes eleiciones a conceyos cola candidatura Unión Asturianista algamó 11 conceyales, colos que tien dos alcaldías nos conceyos de Villaviciosa de 15.000 habitantes (ye´l conceyu 11 de mayor población d´Asturies), y nel de Ponga de 700 habitantes (que ye Parque Natural na mayor parte). Por ponei un exemplu de la so implantación Izquierda Unida n´Asturies tien namai 4 alcaldíes más que la candidatura Unión Asturianista.
El día 28 de xunu de 2008 en Xixón foi'l so V Congresu nacional del Partíu Asturianista, baxo’l lema «CADA VEZ MÁS NECESARIOS», onde foi reelexida la so Executiva y aprobada una igua de los sos Estatutos.
El 30 d'agostu de 2008 presentose nel Colexu Begoña de Xixón el primer númberu de la so revista que tien el nome de L'Asturianista [3]. , espublizándola pal Día de la Nación Asturiana. Ésta amás pue escargase na so páxina web.
[editar] Resultaos Eleutorales
[editar] A la Xunta Xeneral del Principáu d'Asturies
| Añu | Votos | % | Xunteros |
| 2007 | 13.255 | 2,3 | - |
| 2003 | 11.376 | 1,84 | - |
| 1999 | 15.998 | 2,58 | - |
| 1995 | 20.669 | 3,19 | 1 |
| 1991 | 14.569 | 2,74 | 1 |
| 1987 | 7.302 | 1,28 | - |
[editar] De Conceyu
| Añu | Votos | % | Conceyales |
| 2007 | 11.527 | 1,95 | 11 |
| 2003 | 8.715 | 1,50 | 3 |
| 1999 | 16.194 | 2,63 | 12 |
| 1995 | 13.409 | 2,08 | 6 |
| 1991 | 10.891 | 2,07 | ? |
| 1987 | 3.066 | 0,53 | ? |
[editar] Congresu de los Diputaos
| Añu | Votos | % n'Asturies | Diputaos |
| 2008 | nun se presentó | nun se presentó | nun se presentó |
| 2004 | 4.102 | 0,60 | - |
| 2000 | 5.876 | 0,90 | - |
| 1996 | 12.213 | 1,69 | - |
| 1993 | 11.011 | 1,61 | - |
| 1989 | 3.527 | 0,58 | - |
[editar] Referencies
- ↑ Nuevo grupo asturianista
- ↑ Desencanto en URAS-PAS por quedarse lejos de la representación parlamentaria
- ↑ El PAS presenta el primer númberu de «L´Asturianista»
[editar] Personaxes
- Xuan Xosé Sánchez Vicente
- Xesús Cañedo Valle
- Carlos Rubiera
- Sabel Tuñón
- Xulio César Vigil Parajón
- Mario San Martín Fernández
- Xuan Pertierra Argiz
- Lluis Antón González
- Inaciu Galán y González
