Titán (mitoloxía)

De Uiquipedia
Saltar a: navegación, buscar
Mitoloxía Griega
Esti artículu forma parte de la serie
Mitoloxía griega
Dioses

Divinidaes primordiales
Dioses ctónicos
Titanes
Dioses olímpicos
Divinidaes alegóriques


1ª Xeneración de Titanes:

Océanu Ceu Críu Hiperión Xapetu Cronos Febe Mnemósine Rea Temis Tetis Tea Dione


2ª Xeneración de Titanes:

Oceánidos Oceánides Helios Selene Eos Prometéu Epimetéu Atlas Meneciu

Na mitoloxía griega los Titanes y las Titánidas tan ente los dieuses que lluitorun escontra Zeus y los dieuses olímpicos. Pa muitos hestoriadores y mitólogos esta lluita representa la convulsión social d'una dómina d'invasiones d'unos pueblos nuevos sobre outros antigos.

Como en, casique, tolo referente a la Mitoloxía griega la fonte más emplegada y conocida ye la Teogonía d'Hesiodu, anque nesti casu tamién hai referencias a la Titanomaquia de Tamiris. Poro, malque hebia notables diferencias ente las fontes davezo úsase la Teogonía pala conocencia de los Titanes na relixosidá griega antiga.

Fálase normalmente de que dúas xeneraciones de Titanes, los primixenios ou descendientes d'Uranu y Gaia y los fíos d'aquellos. Los fíos de Gaia fuorun soterraos por Uranu al ver lu terrible que yera la súa descendencia, pero la súa mai alendóu a Cronos que se rebelara y esti, aidáu polos Cíclopes y los Hecatónquiros vencióu al sou pai, al cualu castróu y asasinóu; reinando dempués el cola súa hermana y esposa Rea.

La primera xeneración de Titanes[editar | editar la fonte]

  • Titanes
  • Titánidas:
    • Febe, la de la corona d'ouru, mai de Leto y Asteria.
    • Mnemósine, la Memoria y mai de las Musas.
    • Rea, reina de los dieuses con Cronos y mai de los principales dieuses olímpicos.
    • Temis, l'Orde diví, las lleis y los vezos. Mai de las Horas (mitoloxía).
    • Tetis, la Mare y mai de los grandes rieus.
    • Tea, mai d'Heliu, Selene y Eos
    • Dione, anque nun ye una titánida clásica son muitas las fontes que la incluin como la númberu trelce frañiendo asina la continuidá d'esa cifra na mitoloxía griega.

Segunda xeneración de Titanes[editar | editar la fonte]

Head of a Titan, National Archaeological Museum of Athens

Dao que'l casamientu ente hermanos yera daqué corriente na Mitoloxía griega, deillos Titanes y Titánidas xuniórunse creyando una segunda xeneración de Titanes.