Sydney Pollack
De Uiquipedia
Sydney Pollack (1 de xunetu de 1934 – 26 de mayu de 2008), foi un direutor de cine, productor y actor estaunidense ganador del premiu Oscar.
Tabla de conteníos |
[editar] Biografía
[editar] Anicios
Nació en Lafayette (Indiana), nuna familia xudía d'inmigrantes rusos, d'onde se treslladó a Nueva York pa prosiguir la so carrera teatral. De 1954 a 1960 estudió y enseñó interpretación y intervino en dellos montaxes de Broadway. De 1960 a 1965 dirixó más de 80 espectáculos de televisión y ganó varios premios Emmy.
Llueu de dirixir programes dramáticos pa la televisión, entamó la so carrera nel cine con The Slender Thread, en 1966.
[editar] Carrera
Depués d'un irregular entamu como direutor de cine, foi nomináu al Oscar en 1969 por Danzái, danzái, malditos, tamién premiada nos festivales de Cannes, Bruseles y Belgráu. Realizó varies películes protagonizaes por Robert Redford, ente elles Les aventures de Jeremiah Johnson (1972), cola qu'algamó un gran ésitu de crítica que se repetiría nel filme Tal como yeremos (1973).
Na década de los 80 rescampló por Ausencia de malicia (1981), con Paul Newman, y Tootsie (1982), con Dustin Hoffman, película qu'obtuvo 10 nominaciones al Oscar. En 1985 ganó esti premiu pola direición de Memories d'África, protagonizada por Robert Redford y Meryl Streep. Otres películes de la so filmografía son Yakuza (1974), El xinete llétricu (1979), Habana (1990), La tapadera (1993), Sabrina (y los sos amores) (1995) y Caprichos del destín (1999). Como actor tien intervenío en bayura de producciones, como la propia Tootsie, Maríos y muyeres (1992, de Woody Allen) o Eyes Wide Shut (1999, de Stanley Kubrick).
[editar] Muerte
El cineasta finó'l 26 de mayu de 2008 en so casa de Los Ánxeles por mor d'un cáncer diagnosticáu 10 meses primero.
[editar] Filmografía (esbilla)
- Michael Clayton (Michael Clayton) (2007) productor executivu y actor
- La intérprete (The Interpreter) (2005) direutor, productor executivu y actor
- Sketches of Frank Gehry (2005) direutor
- Cold Mountain (2003) productor
- The Quiet American (2002) productor executivu
- Iris (2001) productor executivu
- El talentu de Mr. Ripley (1999) productor executivu
- Eyes Wide Shut (1999) actor
- Caprichos del destín (1999) direutor
- Sliding Doors (1998) productor
- Sabrina (y los sos amores) (1995) direutor/productor
- Sentíu y sensibilidá (1995) productor executivu
- La tapadera (The Firm) (1993) direutor/productor
- Maríos y muyeres (1992) actor
- Habana (1990) direutor/co-productor
- The Fabulous Baker Boys (1989) productor executivu
- Memories d'África (1985) direutor/productor
- Tootsie (1982) direutor/productor/actor
- Ausencia de malicia (1981) direutor/productor
- El xinete llétricu (1979) direutor/actor
- Bobby Deerfield (1977) direutor/productor
- The Yakuza (1975) direutor/productor
- Los tres díes del Cóndor (1975) direutor
- Tal como yeremos (1973) direutor
- Jeremiah Johnson (1972) direutor
- Danzái, danzái malditos (1969) direutor/guionista/productor
- Castle Keep (1969) direutor
- The Swimmer (1968) co-direutor
- The Scalphunters' (1968) direutor
- Propiedá condenada (1966) direutor
- The Slender Thread (1965) direutor
[editar] Premios
[editar] Premios Oscar
| Añu | Estaya | Película | Resultáu |
|---|---|---|---|
| 2007 | Oscar a la meyor película | Michael Clayton | Nominación |
| 2007 | Oscar a la meyor direición | Tony Gilroy | Nominación |
| 1985 | Oscar a la meyor película | Memories d'África | Ganador |
| 1982 | Oscar a la meyor película | Tootsie | Nominación |
| 1982 | Oscar a la meyor direición | Tootsie | Nominación |
| 1969 | Oscar a la meyor direición | Danzái, danzái, malditos | Nominación |
