Stop Online Piracy Act

De Uiquipedia
Saltar a: navegación, buscar

La Stop Online Piracy Act (Llei de Anti-Pirateria Online), tamién conocida col acrónimu inglés SOPA ye un proyectu de llei de la Cámara de Representantes (Senáu) de los Estaos Xuníos d'América por iniciativa del senador Lamar Smith y d'un grupu bipartitu con doce representates. Esti proyectu de llei amplía los medios llegales pa que los propietarios de derechos d'autor puedan restrinxir el tráficu que vulnere estos derechos d'autor, asina como falsificaciones [1].

Esti proyectu ta siendo obxectu de discusión ente los sos defensores y los sos detractores. Los sos ponentes afirmen que protexiendo'l mercáu de la propiedá intelectual y la so industria xeneraríense un aumentu de l'actividá económica asina como la creación d'emplegu. [2]. Los sos detractores aleguen que ye una violación de la Primera Enmienda, amás d'una forma de censura[3] y que perxudicaría la Internet[4], amenazando la llibertá d'espresión[5].

Opositores[editar | editar la fonte]

Ente los principales opositores tán les principales empreses que funcionen na Rede como ye'l casu de Facebook, Twitter, Google, Yahoo!, LinkedIn, Mozilla, Wikimedia, Zynga, Amazon, eBay[6][7], Reddit y 9GAG. Tamién hai organizaciones de defensa de los derechos humanos como Reporteros ensin Fronteres o Human Rights Watch mantienen la so oposición.

La empresa de rexistru de dominios Go Daddy apoyaba inicialmente la propuesta, pero la reacción de los sos clientes fexo que reconsiderare'l so posicionamientu. La comunidá de la Wikipedia tamién debatió sobre que posición tomar en rellación a SOPA[8], en SOPA_initiative/Action.

Miembros de l'alministración del presidente estadounidense Barack Obama asoleyaron na Rede un anunciu nel que decíen que nun apoyaben esta llei porque reducía la llibertá d'espresión, aumentaba'l riesgu de ciber-seguridá y rompía cola cinámica d'innovación na Internet global[9].

Defensores[editar | editar la fonte]

Los defensores d'esti proyectu son los mayores grupos y empreses que dependen nel so modelu de negociu de los derechos d'autor: Motion Picture Association of America, Recording Industry Association of America, Sony Pictures Entertainment, Time Warner, ente otres[10].

Referencies[editar | editar la fonte]

  1. «House introduces Internet piracy bill».
  2. «SOPA (Stop Online Piracy Act) debate: Why are Google and Facebook against it?».
  3. Chloe Albanesius. «SOPA: Is Congress Pushing Web Censorship?».
  4. Chloe Albanesius. «Will Online Piracy Bill Combat 'Rogue' Web Sites or Cripple the Internet?».
  5. Trevor Timm. «Proposed Copyright Bill Threatens Whistleblowing and Human Rights».
  6. Declan McCullagh. «Silicon Valley execs blast SOPA in open letter».
  7. «GoDaddy faces boycott over SOPA anti-piracy law support».
  8. «Wikipedia joins web blackout in Sopa Act protest».
  9. Victoria Espinel, Aneesh Chopra, Howard Schmidt. .
  10. «Letter to Congress in Support of Legislation».