Google

De Uiquipedia
Saltar a: navegación, buscar
Google Logu
Logu de la compañía
Oficines de la compañía

Google Inc. ye la empresa propietaria de la marca Google, cuyu principal productu ye'l motor de gueta del mesmu nome. Fundóse'l 7 de setiembre de 1998 por Larry Page y Sergey Brin (dos estudiantes de doctoráu en Ciencies de la Computación de la Universidá de Stanford).

Magar que'l so principal productu ye'l guetador, la empresa ufre también ente otros servicios: un comparador de precios denomáu Froogle, magar que llueu pasó a denomase Google Product Search, un motor de gueta pa material atroxáu en discos llocales Google Desktop Search, y un serviciu de corréu electrónicu denomáu Gmail, que pon a disposición pa los sos usuarios más de 7 GB (24 de setiembre de 2008) d'espaciu y va xorreciendo constantemente a razón aproximada de 36 bytes por segundu. Tamién ye famosu el so programa Google Earth, mapamundi en 3D con imáxenes d'alta resolución. Recientemente llanzó la versión beta de un serviciu de mensaxería nel intre basáu en Jabber/XMMP denomáu Google Talk.