YouTube

De Uiquipedia
Saltar a: navegación, buscar
Steve Chen, co-fundador de YouTube.

YouTube (pronunciáu "iutub") ye un sitiu web que permite a los usuarios compartir videos dixitales al traviés d'Internet y tamién, permite a los músicos ñovatos y esperimentaos dar a conocer los sos videos al mundu. Pertenez a la Web 2.0. Foi fundáu en febreru de 2005 por tres antiguos trabayadores de PayPal: Chad Hurley, Steve Chen y Jawed Karim. YouTube ye propiedá de Google, dende la so compra, el 10 d'ochobre de 2006 por 1.650 millones de dólares.

YouTube fai usu d’un reproductor en llinia basáu n'Adobe Flash pa sirvir el so conteníu. Ye mui popular gracies a la posibilidá d'agospiar videos personales de xeitu cenciellu. YouTube agospia una variedá de clips de películes, programes de televisión, videos musicales y videos caseros (a pesar de les regles de YouTube escontra xubir videos con copyright, esti material esiste en cantidá). Los enllaces a videos de YouTube puen ser tamién puestos en blogs y llugares web personales faciendo usu APIs o incrustando ciertu códigu HTML.

Calidá de videu[editar | editar la fonte]

Como en Google Videu y otres llugares de videos, hai quexes acerca de la calidá, siendo que los videos se pixelen (apaecen cuadros de color uniforme de mayor tamañu, en forma de mosaicu), en gran midida, debíu al equilibriu ente calidá de semeya y velocidá de tresmisión na rede. Otru problema ye qu'en bastantes clips, el soníu y el videu nun tan sincronizaos; esto depende del formatu del archivu orixinal.

En xeneral, toos los videos deben ocupar un espaciu en discu non mayor a los 1024 Mb y deben tener una duración menor o igual a 10 minutos, con una tolerancia estra de 58 segundos de grabación. La totalidá de los videos, yeren convertíos a resoluciones de 320×240 y 480×360, y a 30 fotogrames per segundu, anque los videos xubíos antes de marzu 2008 solu tan disponibles na resolución más baxa. A pesar de que tolos videos amuésense predeterminadamente na resolución menor, los usuarios rexistraos puen optar por que se reproduzan preferentemente en calidá alta.


Nun toos los videos de YouTube foron optimizaos o convertíos pa vese n'alta resolución, hai un pequeñu porcentaxe que sí lo ta y hai una forma de velos. Basta agregar el parámetru &fmt=6 al final de la dirección URL (siguiría siendo un videu en formatu *.FLV pero con más calidá), si esiste, se verá la versión d'alta resolución y si no esiste, la versión normal.

Como métodu alternativu, pode agregase &fmt=18, parámetru que ta disponible pa casi tolos videos (en formatu *.MP4).

Güei, YouTube ta probando nueva calidá, en HD 720p, y pue ser accedida agregando'l parámetru &fmt=22, pol contrariu parte, eso solu furrula nos videos que lo dispongan, en casu contrariu, amosará la calidá más baxa.

El 25 de payares de 2008, Youtube cambió la rellación d'aspeutu del so reproductor de videu, de 4:3 a 16:9, siguiendo l'estándar de los televisores LCD y de plasma, y tamién en concordancia coles intenciones de la empresa de tresmitir películes completes nel futuru.


Sobre la gueta de videos y vista d'alta resolución[editar | editar la fonte]

YouTube mantien una loxística que permete llocalizar cualquier videu per medio de los TAGS, títulos y descripciones que los usuarios ponen pa cada videu, pero únicamente se restrinxen a los videos de YouTube.

A raíz de la compra de YouTube per parte de Google, Google Videu agrega a sos guetes los conteníos de YouTube.

En xunu de 2007 dio un importante pasu hacia la internacionalización del sitiu, al traducir la so interfaz a diversos idiomes, ente ellos l'español.

Sede de YouTube en San Bruno.

Restricción de copies[editar | editar la fonte]

Pa evitar copies de los archivos de videu, éstos tan repartíos en formatu flash (.FLV) propiedá de la empresa Adobe Flash, qu'impide a los usuarios facer copies dixitales fácilmente. Aínda asina, diversos programadores realizaron ferramientes que-y permiten ensin permisu, la descarga de los videos agospiaos nel sitiu, de los coales dalgunes foron impidíos y otres permanecen, a tube catcher, VDownloader y Power Videu Downloader yeren unos d'ellos, anque na so nueva versión (0.7), el VDownloader foi desbloquiáu.

Copyright[editar | editar la fonte]

Gran parte de los videos que los usuarios publiquen en YouTube tienen música o semeyes con copyright; la compañía solu les retira si asina ye pidíu pol propietariu de los drechos, al retirase los videos la cuenta del usuariu que los asoleyó ye esborrada llueu de recibir, cuando menos, tres alvertencies.

Youtube en munches llingües[editar | editar la fonte]

El sitiu de YouTube tien como llingua predeterminada l'inglés, pero ta tamién n'otres 15 llingües:

Enllaces Esternos[editar | editar la fonte]