Googol

De Uiquipedia
Saltar a: navegación, buscar
Nun trafulcar googol con Google, la compañía d'Internet, y Nikolai Gogol, l'autor.
googol

El términu googol (gúgol) foi acuñáu en 1938 por Milton Sirotta, un neñu de nueve años, sobrín del matemáticu estadounidense Edward Kasner. Kasner anunció'l conceutu nel so llibru "Les matemátiques y l'imaxinación". Isaac Asimov dixo nuna ocasión al respeutu: "Vamos tener que padecer eternamente un númberu inventáu por un bebé".

1 googol = 10100 = 10.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000.000

Un googol ye aprosimadamente igual al fautorial de 70. El fautorial de 70 tien 101 cifres:

70! = 1197857166996989179607278372168909873645893814254642585755536286462800958278 9845319680000000000000000

y los sos fautores primos son 2 y 5. Nel sistema binariu ocuparía 333 bits.

El googol nun ye abondo importante nes matemátiques y tampoco tien usos práuticos. Kasner creólu pa illustrar la desemeyanza ente un númberu inimaxinablemente escomanaú y l'infinitu, y a vegaes úsase d'esta mena nel enseñu de les matemátiques.