Facebook

De Uiquipedia
Saltar a: navegación, buscar
Wiki letter w.svg

Esti artículu necesita ser wikificáu. Pues visitar la llista d'artículos pa wikificar. Contribúi camudando lo que seya necesario o poniendo na páxina d'alderique lo que nun conozas pa que l'autor faga los camudamientos. Nun elimines esti avisu hasta que tea fináu tol trabayu.


Gtk-find-and-replace.svg
Esti artículu necesita una revisión por un correutor qu'ha d'ameyorar la so ortografía, la so gramática, la so sintaxis o'l so vocabulariu. Tamién, iguar les referencies o semeyes o con enllaces francíos.
(ver la llista completa d'artículos pa correxir)
Facebook.svg

Facebook ye un sitiu web gratuitu de redes sociales creáu por Mark Zuckerberg. Orixinalmente yera un sitiu pa estudiantes de la Universidá Harvard, poro anguaño ta abiertu a cualaquier presona que tenga una cuenta de corréu ellectrónicu. Los usuarios puen participar nuna o más redes sociales, en rellación cola so situación académica, el so llugar de trabayu o rexón xeográfica.

Recibió muncha atención na blogosfera y nos medios de comunicación al convertise nuna plataforma sobro la que terceros puen desenvolver aplicaciones y faer negociu a partir de la rede social. A pesar d'ello, esiste la esmolición alrodiu del so posible modelu de negociu, cuidao que los resultaos en publicidá reveláronse como bien probes.

A mediaos de 2007 llanzó les versiones en francés, alemán y español pa impulsar la so espansión fora d'Estaos Xuníos, una y bones los sos usuarios concéntrense n'Estaos Xuníos, Canadá y Gran Bretaña. En xineru de 2010, Facebook cuntaba con 380 millones de miembros, y traducciones a 70 idiomes (ente los que nun ta la versión na llingua asturiana, como por exemplu Ximielgame).

Hestoria de la empresa[editar | editar la fonte]

Mark Zuckerberg, ceador de Facebook nel 2007.

El ceador de Facebook ye Mark Zuckerberg, estudiante de la Universidá Harvard. La compañía tien les sos oficines centrales en Palu Altu, California.

L'idega de crear una comunidá basada na web en que la xente compartiera los sos gustos y sentimientos nun ye nuea. Yá David Bohnett, ceador de Geocities, guarárala a fines de los años 1980. Geocities tuvo ésitu nos 1990, nel 1998 foi'l tercer sitiu más vistu na Web, poro nun llogró consolidase dempués de que fuera adquiríu por Yahoo!.

Facebook compite por abrise espaciu ente empreses d'ésitu como Google y MySpace, polo que s'enfrenta a grandes desafíos pa llograr crecer y desenvolvese. Una de les estratexes de Zuckerberg foi abrir la plataforma Facebook a otros desarrolladores.

La fortaleza de la rede social Facebook anicia nos 350 millones d'usuarios que creó, basada en conexones de xente real. Anguaño, púnxose en marcha Facebook n'español, estendiéndose a los países de Llatinoamérica. Cuasi cualaquier persona con conocencies informátiques básicos pue tener accesu a tou esti mundu de comunidaes virtuales.

Espansión[editar | editar la fonte]

Facebook entamó a dexar que los estudiantes d'universidaes amestaren a estudiantes, que les sos escueles nun taben incluyíes nel sitiu, por cuenta de les peticiones de los usuarios. En marzu de 2006, BusinessWeek sopelexó qu'una alquisición potencial del sitiu taba so negociación. Facebook tornó una ufierta de 50 millones.

En mayu de 2006, la rede de Facebook estendióse con ésitu na India, con sofitu d'institutos de tecnoloxía d'aquel país.

En xunu de 2006, hubo un alcuerdu con iTunes Store por que iTunes conociera los gustos musicales de los usuarios y ufiertar asina un enllaz de descarga nel so propiu sitiu.

N'agostu de 2006, Facebook amestó universidaes n'Alemaña ya Israel a la so rede. Tamién introdució la importación de blogues de Xanga, LiveJournal o Blogger.

Dende setiembre de 2006 Facebook ábrese a tolos usuarios del Internet, a pesar de protestes de gran parte de los sos usuarios, una y bones perdería la base estudiantil sobro la cual caltuviérase.

En xunetu de 2007, Facebook anunció la so primer alquisición, Parakey, Inc. de Blake Ross y de Joe Hewitt. N'agostu del mesmu añu dedicóse-y la portada de la prestixosa revista Newsweek; amás d'una integración con YouTube.

A fines d'ochobre de 2007 la rede de redes vendió una parte, el 1,6%, a Microsoft en cuenta de 40 millones de dólares, cola condición de que Facebook convirtiérase nun modelo de negociu pa marques de fábrica onde s'ufierten los sos productos y servicios, según los datos del usuariu y del perfil d'ésti. Esta alquisición valoró Facebook en quince mil millones de dólares, anque'l consensu de los analistes fuera qu'esta cifra superaba'l valor real de la empresa - pa Microsoft nun se trataba namá d'una inversión financiera, sinón tamién d'una meyora estratéxica n'Internet.

La más recién inyección de capital a Facebook -27,5 millones de dólares- foi liderada por Greylock Venture Capital (fondu d'inversión con fuerte venceyu cola CIA). Ún de los socios de Greylock ye Howard Cox, –según el diariu The Guardian-, pertenez al fondu d'inversión en capital de riesgu de la CIA.

En xunetu de 2009, Mark Zuckerberg, fundador de la empresa fixo públicu que Facebook algamara los 250 millones d'usuarios. El 15 de setiembre del mesmu añu anunció que superaba los 300 millones,4 y el 2 d'avientu que yá cuntaba con más de 350 millones.

Servicios qu'ufierta[editar | editar la fonte]

  1. Riestra de collacios: Nella l'usuariu puede amestar a cualaquier presona que conoza y tea rexistrada, siempres qu'acepte la so invitación. En Facebook puen alcontrase amigos con el que se perdió'l contactu o amestar otros nuevos con el que intercambiar semeyes o mensaxes. Pa ello, el servidor de Facebook tien ferramientes de busca y de suxerencia de collacios.
  1. Grupos y Páxines: Ye una de les utilidaes de mayor desenvolvimientu recién. Trátase d'axuntar presones con intereses comunes. Nos grupos puen añedir semeyes, vídeos, mensaxes, etc. Les páxines, créanse con fines específicos y a diferencia de los grupos nun contienen foros de discutiniu, una y bones tán empuestes escontra marques o personaxes específicos y non escontra nengún tipu de convocatoria.

Amás, los grupos tamién tienen la so normativa, ente la cual inclúyese la prohibición de grupos con temátiques discriminatories o qu'afalen al odiu y falten al respetu y l'honra de les presones. Magar esto nun se cumple en munches ocasiones, esiste l'opción de denunciar y reportar los grupos que vaigan contra esta riegla, polo cual Facebook inclúi un link en cada grupu'l cual diríxese escontra un cuadru de reclamos y quexes.

  1. Muriu: el muriu (wall n'inglés) ye un espaciu en cada perfil d'usuariu que dexa que los collacios escriban mensaxes por que el usuariu vealos. Namá ye visible pa usuarios rexistraos, muriu déxate ingresar imaxes y poner cualquier tipu de logotipos na to publicación. Una meyora llamada supermuro dexa encuallar animaciones flash, etc.
  1. Semeyes: Según Facebook,8 hai:
             #5 mil millones de semeyes d'usuariu.
                
             #160 terabytes d'almacenaxe.
  1. Regalos: los regalos o gifts son pequeños íconos con un mensaxe. Los regalos daos a un usuariu apaecen na paré col mensaxe del donante, nun siendo que'l donante decida dar el regalu en priváu, y nesi casu el nome y el mensaxe del donante nun s'esibe a otros usuarios.

Una opción "anónima" ta tamién disponible, pola cual cualaquier presona col accesu del perfil pue ver el regalu, poro solo'l destinatariu va ver el mensaxe.

Dellos regalos son gratuitos y el restu cuesten un dólar, (ye necesariu un númberu de tarxeta de créditu o cuenta Paypal). Aplicaciones: Son pequeñes aplicaciones coles que puedes pescudar la to galleta de la suerte, el que ye'l to meyor amigu, afayar coses de la to personalidá...

  1. Xuegos: la mayoría d'aplicaciones atopaes en Facebook rellaciónense con xuegos de rol, xuegos paecíos al Trivial Pursuit (por exemplu xeografía), o pruebes d'habilidaes (digitación, memoria). Ente los más célebres atópense los xuegos de Playfish y los xuegos de Zynga Games como Farmville.

Facebook na actualidá, en númberos[editar | editar la fonte]

Facebook tien más de 400 millones d'usuarios rexistraos alredor de too el mundu.10 D'alcuerdu a Alexa.com, la páxina xubió del llugar númberu 60 de les más visitaes al númberu 7 nun añu. Anguaño atópase na posición 2. Quantcast ponla nel llugar númberu 16, y Pertenez.com nel 20. La páxina ye la más popular pa xubir semeyes, con estadístiques de más de 83 millones de semeyes xubíes a diariu. El 3 de payares del 2007, hebía siete mil (7000) aplicaciones nel sitiu, cien amestaes cada día; y en xineru de 2010 superaben les 500.000.

Impactu internacional[editar | editar la fonte]

Dempués de la so traducción a idiomes distintos del inglés, Facebook non yá medró n'usuarios, sinón que tresformó la forma na que les presones utilicen l'internet. En Chile, por casu, realizáronse estudios sofitaos por universidaes qu'afirmen qu'el 73% de los mozos chilenos ente 18 y 29 años son usuarios de Facebook.

La influencia de Facebook en Colombia va n'aumentu. La rede popularízose masivamente al convocar una marcha al traviés de la rede social la cual llamóse Un millón de voces contra les FARC. La rede aidó a convocar a cerca de 4 millones de persones en Colombia y dellos millones a nivel mundial.

La película The social network, dirixida por David Fincher, va ser estrenada'l 15 d'ochobre de 2010; basada nel llibru Multimillonarios por accidente, de Ben Mezrich (Afala Editorial: 2010, ISBN 978-84-92414-20-8), narra la nacencia de Facebook.

Crítiques[editar | editar la fonte]

Facebook recibió tou tipu de crítiques desque algamó espardimientu global. Especialmente debíu al algame que ta teniendo ente menores, los sos efectos psicolóxicos y les sos alarmantes polítiques de privacidá.

Nel momentu d'aceptar el contratu de términos d'usu de la comunidá, l'usuariu dexa la propiedá esclusiva y perpetua de tola información ya imaxes qu'amieste, a la mesma. Y anque el direutor executivu Mark Zuckerberg, declaró, p'aselar a los usuarios, que nunca s'utilizará esta información fora del serviciu facebook", la rede social llogra facultá d'utilizar esta información como deseye.

Si quier dase de baxa una cuenta, el procesu ye bien llargu, por cuenta de que Facebook caltienla activa "en casu de que l'usuariu decida reactivar la so cuenta", y así mismo caltien copies d'esa información indefinidamente. Y en casu de fallecimientu del usuariu, la so cuenta ye caltenida "activa so un tao memorial especial por un períodu determináu por nós pa dexar a otros usuarios publicar y ver comentarios".

Nel casu de Nipón Das, direutor d'una consultoría de biotecnoloxía n'Estaos Xuníos, llogró esaniciar la mayor parte de la información del so perfil, cuando se comunicó per corréu con representantes del serviciu d'atención al veceru, amenaciando con tomar acción llegal. Anque entá dempués d'esto un reporteru atopó'l perfil completu de Das.

Dende instituciones públiques,fasta colexos pasando por blogues y otros sitios web venceyaos a redes sociales criticaron distintos aspeutos de Facebook nos últimos meses.