Sergio Marqués

En setiembre de 1993 elixéronlu vicepresidente del PP asturianu. En 1995 tres la renuncia d'Isidro Fernández Rozada a ser candidatu a la presidencia del Gobiernu asturianu, ganó nes eleiciones con mayoría simple. Sicasí, la inestabilidá del so gobiernu y les diferencies de criteriu que caltuvo colos dirixentes del so partíu, propició que dexara la disciplina del Partíu Popular, acordies con dellos de los sos compañeros nel gobiernu en 1998, y fundó la Unión Renovadora Asturiana (Uras) el 2 d'avientu d'esi mesmu añu. Gobernó en minoría hasta la fin de la llexislatura en 1999.

Esi año, presentóse otra vuelta a les eleiciones autonómiques embaxo les sigles d'Uras. La so candidatura algamó tres diputaos, colo que se convertía nel cuartu grupu parllamentariu tres de PSOE, PP y IU. Nos comicios de 2003 concurrió otra vegada, pero sin algamar el 3% de votos mínimu necesariu p'acceder a la Xunta Xeneral del Principau d'Asturies. La so formación política sofrió entós un procesu de tresformación que la llevó a axuntase al Partíu Asturianista na coalición Unión Asturianista, cola qu'optó otra vuelta a les elecciones de 2007. La xuntanza de dambos partíos tres de la perda de la so representación nel parlamentu autonómico, nun sirvió pa qu'algamaran el sofitu suficiente pa tornar a la Xunta.

Tres de les eleiciones de 2007, Marqués anunció la so marcha de la política activa.

Predecesor:
Antonio Trevín

Presidente d'Asturies
1995 - 1999

Socesor:
Vicente Álvarez Areces

Obtenío de "http://ast.wikipedia.org/wiki/Sergio_Marqu%C3%A9s"