Vicente Álvarez Areces

De Uiquipedia
Saltar a: navegación, buscar
Vicente Álvarez Areces

Vicente Álvarez Areces
Orde: 6u de la Democracia
Mandatu: del 20 de xunetu de 1999 al 15 de xunetu de 2011
Predecesor: Sergio Marqués
Socesor: Francisco Álvarez Cascos
Nació'l: 4 d'agostu de 1943
Nació en: Xixón
Pareya: Soledad Saavedra
Profesión: Profesor d'estadística
Partíu políticu: PSOE

Vicente Álvarez Areces (Xixón, 4 d'agostu de 1943), ex-presidente d'Asturies.

En 1962 ingresó nel PCE, onde tuvo hasta marzu de 1978. Como miembru del Comité Central del PCE, al que pertenez dende 1969 hasta 1977, organiza y preside la I Conferencia Rexonal del PCE d'Asturies. Horacio Fernández Inguanzo relévalu na secretaría política na II Conferencia Rexonal poles discrepancies dientru de la dirección y con CC.OO.. Tres les primeres eleiciones xenerales d'esi añu adopta una postura crítica cola dirección, que dirá agravándose col tiempu, hasta que dexa'l partíu tres la III Conferencia Rexonal (Perlora, marzu de 1978), xunto a otros 112 delegaos.

En 1987 concurre como candidatu del PSOE a les eleiciones municipales de Xixón, siendo nomáu alcalde, cargu nel que repite n'otros dos mandatos. En 1999 obtien la mayoría absoluta pola circunscripción central nes eleiciones autonómiques, polo que sal como presidente del Principáu'l 20 de xunetu. En 2003 repite na presidencia, pero esta vez gracies al sofitu d'IU ya que nun algamó la mayoría absoluta. Nes elleciones el PSOE consiguió 20 escaños, 21 el PP y 4 IX-BA-LV, anque la abstención de IX na investidura permitió a Areces algamar la presidencia. Repitió nel cargu depués de les elleciones del añu 2007, gobernando inicialmente en minoría, pero algamando'l sofitu d'IX un añu y mediu más sero. Finalmente anunciaría la so renuncia a presidir nuevamente'l Principáu d'Asturies, siendo sustituyíu al frente del Gobiernu por Francisco Álvarez Cascos.

Ver tamién[editar | editar la fonte]

Enllaces esternos[editar | editar la fonte]


Predecesor:
Sergio Marqués
Flag of Asturias (indoor).svg Presidente d'Asturies
1999-2011
Socesor:
Francisco Álvarez Cascos
Predecesor:
José Manuel Palacio
Alcalde de Xixón
1987-1999
Socesor:
Paz Fernández Felgueroso