Samoa Americana

De Uiquipedia
Saltar a: navegación, buscar
American Samoa
Sāmoa Amelika
Samoa Americana
Bandera de Samoa Americana Escudu de Samoa Americana
Bandera de Samoa Americana Escudu de Samoa Americana
Lema nacional: Samoa, Muamua Le Atua (Samoanu: Samoa, Dios ye lo primero)
Himnu nacional: Amerika Samoa
Situación de Samoa Americana
Capital
 • Población
Pago Pago
42.000
Mayor ciudá Pago Pago
Idiomes oficiales Inglés y samoanu
Forma de gobiernu Territorio non incorporáu
Barack Obama
Togiola Tulafono
Dependencia
 • Fecha
De los Estaos Xuníos
1899
Superficie
 • Total
 • % agua
Llendes
Costes
Puestu 220º
199 km²
0%
0 km
116 km
Población
 • Total
 • Densidá
 • Densidá
Puestu 202º
65.628 (2009 est.)
353 ab./km²
353 hab/km²
PIB (PPA)
 • Total ([[{{{PIB_añu}}}]])
 • PIB per capita
Puestu {{{PIB_puestu}}}º
{{{PIB}}}
{{{PIB_per_cápita}}}
Moneda Dólar estaunidense (USD)
Xentiliciu Samoanu,-na estaunidense/Samoamericanu
Zona horaria
 • en Branu
UTC -11
nun aplica
Dominiu d'Internet .as
Códigu telefónicu +{{{códigu_telefónicu}}}
Prefixu radiófonicu nun tien
Códigu ISO 016 / ASM / AS
Miembru de:
Sitiu web del Gobiernu:
{{{web_gobiernu}}}

Samoa Americana (n'inglés: American Samoa; n'samoanu: Sāmoa Amelika) ye un territoriu non incorporáu de Estaos Xuníos nel océanu Pacíficu sur. Asítiase al oeste de les islles Cook, unos 500 km al norte de la islla de Tonga, a 500 km al sur de Tokelau y al este de les islles de Wallis y Futuna. La so capital, que ye tamién la ciudá más poblada, ye Pago Pago, na islla de Tutuila. Les islles d'esti territoriu, el más meridional de tolo que pertenez a los Estaos Xuníos, formen parte del archipiélagu de les islles Samoanes, que comparten col estáu independiente de Samoa.

Historia[editar | editar la fonte]

Barcos de guerra alemanes y estaunidenses en Samoa en 1899

Cultura Fa'a[editar | editar la fonte]

Los fa'a vivieron nestes islles dende' sieglu XI e.d.C hasta la llegada los europeos. De bayurosa mitoloxía, esti pueblu pensaba que yeren descendientes de los dioses qu'habitaben eses islles na antigüedá[1]. Dáben-y gran importancia a la familia, y'l deber más importante pa un fa'a yera curiar de la de so. Organizábanse en families amplies, que taben gobernaes por un patriarca nomáu matai. Les peculiaridaes relixoses d'esti pueblu politeísta foron desaniciándose cuando los misioneros cristianos xunieron a tolos sos dioses n'ún solu.

Colonización europea[editar | editar la fonte]

Samoa foi descubierta por los esploradores europeos nel sieglu XVIII. Nesa dómina parez qu'hebo una batalla ente los esploradores franceses y los fa'a na islla de Tutuila, entamada según los samoanos polos occidentales, xente fiero al so modu de ver. A primeros del sieglu XIX aportaron a les islles unos misioneros rarotonganos y, dempués d'ellos, un grupu de misioneros occidentales dirixíu por John Williams. Esti pastor congregacionalista de la Sociedá Misionera de Londres aportó a la islla na década del 1830, y foi el que llevó oficialmente'l cristianismu na islla. Menos d'un sieglu dempués la ilesia congregacionalista somoana convirtiose na primer ilesia independiente indíxena del Pacíficu Sur.

Dominiu alemán y estaunidense[editar | editar la fonte]

En marzu de 1889 una escuadra naval alemana invadió un pueblu de Samoa, estrozando dellos bienes de los Estaos Xuníos nel ataque. Como respuesta trés buques de guerra estaunidenses entraron nel puertu de Samoa col envís d'atacar a los trés buques de guerra alemanes que taban ellí fondeaos. Sicasí, primero que s'entamara la engarrada un furacán hundió tolos barcos, lo qu'obligó a declarar, pola falta de fuerces de combate, un armisticiu obligatoriu. El discutiniu continuó hasta la firma, en 1899, d'un tratáu pol que les dos potencies dividiéronse l'archipiélagu. Estaos Xuníos ocupó formalmente lo que-y correspondía -les islles más pequeñes y orientales- al añu siguiente; les que quedaron p'Alemaña son anguaño l'estáu independiente de Samoa.

L'Armada estaunidense construyó, na ensenada de Pago Pago, una estación carbonera p'abastecer la so escuadra del Pacíficu. Nomó tamién a un secretariu, y consiguió que la población firmara un Documentu de Cesión de Tutuila en 1900 y un Documentu de Cesión de Manu'a nel 1904. Demientres la Segunda Guerra Mundial aportaron a les islles bien de marines estaunidenses, qu'exercieron una influencia cultural pergrande nes islles.

Sieglos XX y XXI[editar | editar la fonte]

Dempués de la Segunda Guerra Mundial el Departamentu del Interior d'Estaos Xuníos tentó d'aprobar nel Congresu la Llei Orgánica 4500, que pretendía la incorporación del territoriu de Samoa Americana. Gracies a los esfuercios de los xefes samoanos americanos, encabezaos por Tuiasosopo Mariota, la llei nun s'aprobó, y decidió crease una cámara llexislativa llocal, la Fono de Samoa Americana. Amás, el gobernador naval que dirixía l'archipiélagu sustituyose por un gobernador llocal. Asina, magar que oficialmente ye consideráu como un territoriu "non organizáu", una y bones el Congresu estaunidense nun tien aprobada una llei orgánica pal territoriu, la Samoa Americana tien un gobiernu propiu que se rixe acordies con una constitución que ye efectiva dende'l 1 de xunetu de 1967.

Xeografía[editar | editar la fonte]

Mapa de la Samoa Americana

El territoriu de Samoa Americana inclúi cinco islles permontañoses y dos atolones de coral. La islla mayor ye la de Tutuila, que tien 141,81 km² d'estensión y forma l'archipiélagu de les Tutuila xunto cola islla Aunu'u, de 1,517 km² d'estensión. Más pal este atópense les islles Manu'a (56,6 km²), que comprende Ofu, Olosega y Ta'u. Los dos atolones son el de Rose, que ye'l puntu más meridional del territorio de los Estaos Xuníos, y la islla Swains, que magar que pertenez alministrativamente al territoriu ye, dende'l puntu de vista xeográficu, parte de l'archipiélagu de Tokelau.

En 1988 el Congresu de los Estaos Xuníos creó el Parque Nacional de Samoa Americana col envís de protexer la flora y fauna del archipiélagu.

Demografía[editar | editar la fonte]

La población estimada de Samoa Americana ye de 55.519 habitantes, de los que'l 95% viven na islla más grande, Tutuila.

El 91.6% de la población ye orixinaria de Samoa y el 2.8% d'Asia. Hai tamién un 1.1% de blancos, un 4.2% de mestizos y un 0.3% de xente d'otres etnies. El 90.6% de sus habitantes falen en samoanu (llingua del mesmu grupu que'l hawaianu y otres llingües polinesies), el 2.9% falen inglés, y el 8.1% falen otres llingües del Pacíficu. El 98.3% de la población ye de relixón cristiana. Nes islles hai 23 escueles primaries y 6 secundaries.

Economía[editar | editar la fonte]

Puertu de Pago-Pago

La principal actividá económica del archipiélagu ye la venceyada al sector primariu (agricultura, pesca del atún) y el turismu.

Tocántenes a la estructura impositiva del archipiélagu, esti ye un territoriu aduaneru independiente. Los sos habitantes, poro, nun tienen de pagar les tases federales de los Estaos Xuníos.[2]

Tresportes[editar | editar la fonte]

Una y bones nes islles nun hai ferrocarril, la única forma de movese dientro les islles ye por carretera. Nel 2007 había 221 km d'autovíes y autopistes nel territoriu.

Tocántenes al tresporte interinsular, hai cinco puertos nel territoriu: Aunu'u, Auasi, Faleāsao, Ofu y Pago Pago. Ente ellos hai tresporte de persones, pero non de mercancíes.

No que cinca al tresporte aéreu hai trés aeródromos na islla. Sicasí, namái l'aeropuertu internacional de Pago Pago recibe vuelos internacionales, lo que lu convierte nel principal puntu d'accesu al territoriu.



Referencies[editar | editar la fonte]

  1. Páxina oficial de Turismu Samoa
  2. «U.S. INSULAR AREAS, Application of the U.S. Constitution» pág. 37. U.S. General Accounting Office (noviembre de 1997). Consultáu'l 16 de julio de 2012. «US federal individual and corporate income taxes as such are not currently imposed in US insular areas.»