Sama (Grau)

De Uiquipedia
Saltar a: navegación, buscar
Sama (Grau)
Horreodesama.JPG
Llocalización
Xeografía
Comunidá: Bandera d'Asturies  Principáu d'Asturies
Conceyu: BanderaGrado.gif   Grau
Partíu xudicial Grau
Superficie 15,92
Población
 • Habitantes
 • Densidá
(2009)
156 hab.[1]
9,8 hab./km²

Sama (Sama de Grado en castellanu) ye una parroquia del conceyu asturianu de Grau. Asitiada na zona centruoccidental del conceyu, llenda colos de Uviéu al este, Santu Adrianu al suertes y Proaza al sur, y coles parroquies moscones de Vayu (al norte), Cuaya (al oeste) y San Adrianu (al suroeste). Tien una estensión de 15,92 km² y una población (INE, 2009) de 156 habitantes. Comprende los llugares de La Corredoria, Doróu, La Mata, Palaciu, Pedréu, Tresmuria y La Veiga. La so principal vía de comunicación ye la carretera AS-313 que va de Grau a Trubia.

En La Veiga se concentren los edificios más interesantes de la parroquia. Hai delles casones: les de los Díaz Miranda (nomada El Pontigu), Arias Cañedo (La Casona)y Álvarez de las Vallinas (palaciu de Las Vallinas), el palaciu de La Mouta (que foi del llinaxe de los Arias de Velasco y foi dempués mercáu por Adolfo Prieto)..., y la ilesia parroquial, de tipu popular asturianu, con planta de cruz llatina y un gran cabildru, que ta consagrada a San Esteban y foi llevantada probablemente nel sieglu XVIII.

Tenemos, tamién, el grupu escolar María Josefa, construyíu ente 1930 y 1932 con perres del indianu Adolfo Prieto y Álvarez de las Vallinas (1867-1945), natural de la parroquia, que presidió la Compañía Fundidora de Fierro y Acero de Monterrey, una de les más importantes d'América na primer metá del sieglu XX. Les escueles, que lleven el nome d'una fía del indianu que morrió de neña, inclúin dos unidaes, una pa neños y otra pa neñes, y tienen como elementu decorativu más destacáu una representación, en 139 azulexos fechos en Triana (Sevilla), de delles escenes de El Quijote. Hai, amás, otros 144 azulexos con refranes impresos. Enfrente de la entrada hai un bustu del indianu, que foi fechu por Victor Hevia. Anguaño l'edificiu acueye un muséu etnográficu que conserva un conxuntu de pieces mui destacable.

Grupu escolar María Josefa.
Escena de El Quijote. Escuela de Sama.

Referencies[editar | editar la fonte]

  1. Institutu Nacional d'Estadística

Enllaces esternos[editar | editar la fonte]

Flag of Asturias (indoor).svg Parroquies de Grau BanderaGrado.gif
Ambás | Báscones | Berció | Cabruñana | Castañéu | Cuaya | El Freisnu | Grau | La Mata | Las Villas | Peñaflor | Pereda | Rañeces | Restiellu | Rodiles | Rubianu | Sama | Samartín | San Adrianu | Santa María Grau | Santa María Villandás | Santianes de Molenes | San Xuan | Sorribas | Tolinas | Vayu | Vigaña | Villamarín |