Pereda (Grau)

Pereda ye una parroquia del conceyu asturianu de Grau. Ta na fastera centruoccidental del conceyu, y llenda cola de San Bartolomé, nel conceyu de Miranda, y coles parroquies moscones de Santa María Villandás, Sorribas, Rodiles, Rañeces, La Mata y El Freisnu. El so territoriu comprende la lladera oriental de parte de los montes de la sierra'l Pedroiru, y llenda pol Este y el Sur col ríu Cubia, que la separa de delles de les parroquies nomaes primero.

Tien una estensión de 10,58 km² y una población (INE, 2009) de 189 habitantes. Comprende los núcleos de población que vienen darréu: Agüera, Los Barreiros, El Cabañín, El Caliente, Cañéu, Los Panes, El Lloviu, Moutas, Pereda, El Retiru, Santa Cristina, La Toba, El Tornu y Villanueva.

La ilesia parroquial, consagrada a San Martín, ta na aldea homónima. Aparez citada nel testamentu d'Ordoño II, datáu el 8 d'agostu del añu 921. Nelli se dona a la Ilesia d'Uviéu, ente más coses, secus flumen Cuuia la ecclesiam Sancti Martini de Pereta cum adiacentiis suis.