Robert Rodriguez

De Uiquipedia
Saltar a: navegación, buscar
Robert Rodriguez
Robert Rodriguez

Robert Anthony Rodriguez, (20 de xunu de 1968), ye un direutor de cine, guionista, músicu y productor de los Estaos Xuníos. Conocíu por facer producciones rentables, seyan independientes o d'estudiu, con presupuestos baxos y rodaxes ensin demores. Rueda y produz les sos películes principalmente en Texas y México.

Entamó a trabayar en Hollywood darréu asoleyar la so película primera, El Mariachi.

Biografía[editar | editar la fonte]

Nos sos Entamos[editar | editar la fonte]

Nació en San Antonio (Texas), nuna casa d'emigrantes mexicanos, siendo'l terceru d'una familia de diez hermanos. Dempués d'acabar l'institutu estudió na Universidá de Texas.


Rodriguez escribió'l guión del so primer llargometrax demientes taba internáu nes instalaciones d'unos llaboratorios d'investigación, como paciente d'un esperimentu clínicu remuneráu. Lo que sacó valió pa pagar el so primer rodax. Albidró recuperar los cuartos vendiendo la película nel mercáu del vídeo domésticu mexicanu.


La película yera El Mariachi (1993), que Rodríguez escribió, dirixió, fotografió, montó y grabó'l soníu con un presupuestu de 7.000 dólares. Demientres que siguía investigando la manera de vender la so película nel mercáu del vídeu, Rodríguez robló un contratu con un importante axente de ICM. Foi darréu cuando Columbia Pictures mercó los drechos y contrató como direutor por dos años a Rodríguez. El Mariachi terminó ganando'l valiosu Premiu del Públicu a la Meyor Película Dramática del Festival de Cine de Sundance, y foi tamién galardonada nos festivales de Berlín, Munich, Edimburgu, Deauville y Yubari (Xapón). El Mariachi convirtióse na película de menor presupuestu estrenada por un gran estudiu y na primer cinta americana estrenada en castellanu. Rodríguez escribió sobre eses esperiencies en Rebel Without a Crew, espublizáu por Dutton Press.


Carrera[editar | editar la fonte]

Entós Rodríguez escribió, produxo, dirixió y montó Desperado (1995), una secuela d'El Mariachi, pa Columbia Pictures. Esti trabayu presentó a Salma Hayek al públicu norteamericanu, asina como a Antonio Banderas nun papel de protagonista. Rodríguez fixo'l mesmu trabayu sacante la producción en The Misbehavers (1995), que tamién protagonizara Antonio Banderas y que constitúi una de las cuatro partes de Four Rooms, de Miramax Films. Más llueu, acomuñó con Quentin Tarantino na atrevida Abierto hasta el Amanecer, de Dimension Films. Rodríguez dirixió un repartu nel que taba'l propiu Tarantino, que fo l'encargáu d'escribir el guión. El siguiente proyeutu como realizador de Rodríguez foi The Faculty (1998), de Dimension Films, protagonizada por Josh Hartnett, Elijah Wood y Jordana Brewster.


En 2001, Robert Rodríguez fixo realidá ún de los suaños de la so vida, y asoleyó una película d'aventures pa tola familia, Spy Kids. Foi aclamada pola crítica y tuvo un gran ésitu de taquilla, con unos ingresos que pasaron de los 100 millones de dólares namás nos Estaos Xuníos. Depués vieno Spy Kids 2, que sacó crítiques perbones y Spy kids 3-D: Game Over, que foi estrenada nos Estaos Xuníos el 25 de xunetu de 2003.


La tercer parte de la triloxía El Mariachi, El Mexicano, rodada, montada y producida por él mesmu, estrenóse n'Estaos Xuníos el 12 de setiembre 2003. Participó arriendes como guionista.


Vida Personal[editar | editar la fonte]

Tuviera casáu con Elizabeth Avellán dende 1990 hasta 2007, divorciándose al poco rodar la so película Planet Terror, áu entabló una rellación sentimental cola actriz Rose McGowan. Anguaño ta prometíu con ella.

Filmografía[editar | editar la fonte]

  • Sin City 2 (2009) Direutor, Música
  • Red Sonja (2009) Direutor
  • Planet Terror (2007) Direutor, Fotografía, Guionista, Montador, Producción
  • Las aventuras de Shark Boy y Lava Girl en 3D (2005) Direutor, Guionista
  • Sin City (2005) Direutor, Guionista, Producción
  • Spy Kids 3 (2004) Direutor, Guionista, Cinemat/Montador, Musica, Producción
  • El mexicano (2004) Direutor, Guionista, Cinemat/Montador, Musica, Producción
  • Kill Bill Vol. 2 (2004) Musica
  • Spy kids 2: la isla de los sueños perdidos (2003) Direutor, Fotografía, Guionista, Cinemat/Montador, Musica
  • Érase una vez en México (Once upon a time in Mexico) (2003) Direutor, Fotografía, Guionista, Cinemat/Montador, Producccón
  • Spy Kids (2001) Direutor, Guionista, Musica
  • Del Crepusculo al amanecer 3: la hija del vampiro (1999) Productor executivu
  • The Faculty (1999) Direutor
  • Full Tilt Boogie (1997) Actor
  • Del Crepusculo al amanecer / Abierto hasta el amanecer (1996) Direutor
  • Desperado (1995) Direutor, Guionista, Producción
  • Four Rooms (1995) Direutor, Guionista
  • Indomable (1994) Direutor, Guionista
  • El mariachi (1992) Direutor, Fotografía, Guionista