Ríu Mississippi

De Uiquipedia
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu
Mississippi
{{{imaxe}}}
Estaos {{{estaos}}}
Territorios {{{territorios}}}
Llonxitú {{{llonxitú}}} km
Altitú de la fonte {{{altitú}}} m
Fonte {{{fonte}}}
Boca {{{boca}}}
Hidroloxía
Superficie de la cuenca 2.980.000 km²
Caudal mediu Minneapolis: 210 m³/s
San Luis: 5,150 m³/s
Baton Rouge: 12,740 m³/s
{{{mapa}}}

El Mississippi ye un ríu de los Estaos Xuníos. Forma, xunta'l so afluente, el ríu Missouri, el sistema fluvial más grande de Norteamérica.

El ríu Mississippi naz nel llagu d'Itasca, al norte del estáu de Minnesota, y va lentamente hacia'l mar, formando amplios meandros en direición norte-sur. Trés percorrer 3.730 km de la zona central de los Estaos Xuníos desemboca, formando un gran delta, nel golfu de México. Xunto col so afluente, el Missouri (4.130 km de llargor) forma una gran cuenca que drena total o parcialmente les agües de 31 estaos comprendíos ente les Montañes Rocoses al oeste y los montes Apalaches al este, incluyíes la mayor parte de les Grandes Llanaes, y ye'l cuartu ríu más llargu del mundu.


Otros datos d'interés[editar | editar la fonte]

La so fonte ye'l llagu d'Itasca, nel Parque d'Itasca na parte del norte de Minnesota. A elli se xune'l ríu Missouri en San Luis (Missouri) y el ríu Ohio en Cairo (Illinois). El ríu Mississippi drena l'agua de la mayor parte del área ente les Montañes Rocoses y los Montes Apalaches, sacante l'área drenada polos Grandes Llagos.

El Mississippi pasa per diez estaos d'Estaos Xuníos: Minnesota, Wisconsin, Iowa, Illinois, Missouri, Kentucky, Arkansas, Tennessee, Mississippi y Louisiana. Desemboca nun gran delta nel Golfu de México aprosimadamente 160 km ríu abaxo de la ciudá de Nueva Orleans.

La boca del ríu foi camudando col tiempu. Desque se construyó una canal a entamos del sieglu XIX, el ríu foi guetando la boca del ríu Atchafalaya, aprosimadamente a 95 quilómetros de Nueva Orleans. El Cuerpu d'Inxenieros del Exércitu d'EE.XX. caltién una estensa cadarma d'escluses pa caltener el ríu nel so cursu presente.

Otros camudamientos nel cursu del ríu ocurrieron debío a terremotos a lo llargo de la zona de la falla de New Madrid, que s'alcuentra ente les ciudaes de Menfis y San Lluis (Missouri). Trés terremotos en 1811 y 1812, estimaos n'aprosimadamente de gráu 8 na escala Richter, invirtieren temporalmente'l cursu del Mississippi. Estos terremotos tamién crearon el llagu Reelfoot en Tennessee, camudando'l paisax a la vera'l ríu.

Enantes de que s'implantare'l ferrocarril en Norteamérica, el ríu Mississippi foi una de les principales víes de comunicación y tresporte. El so ampliu calce permitía la navegabilidá treslladando mercancíes y persones.

El ríu Mississippi ye l'escenariu nel que ta ambientada la novela de Mark Twain "Les aventures de Huckleberry Finn".