Quini

De Uiquipedia
Saltar a: navegación, buscar
Quini
Quini.jpg
Nome completu: Enrique Castro González
Nomatu: {{{Nomatu}}}
Fecha de nacimientu: 23 de setiembre de 1949
Llugar de nacimientu: Uviéu
Fecha de fallecimientu:
Llugar de fallecimientu:
Clubes:
Posición: Delanteru
Altura: 1,76 m
Partíos internacionales: {{{partíosinternacionales}}}
Goles: 8
Añu del debú: 1967
Club del debú: Club Deportivo Ensidesa
Añu del retiru: 1987
Club del retiru: Real Sporting de Xijón

Enrique Castro González (Uviéu, Asturies, 23 de setiembre de 1949), más conocíu como Quini, ye un ex-futbolista asturianu que xugó nel Real Sporting de Xixón y nel FC Barcelona, ganando 7 veces el troféu al máximu goleador de la lliga.

Biografía[editar | editar la fonte]

Enrique Castro González, Quini, nació en 1949 n’Uviéu aunque de bien neñu treslladóse a vivir a Avilés, onde entamó la so carrera como futbolista nel Club Deportivo Ensidesa. Más tarde ficharía pol Real Sporting de Xixón y años depués pol FC Barcelona.

Xugaba como delanteru centru, siempre col numberu 9 na camiseta, y destacaba pola so capacidá goleadora. Ye unu de los grandes goleadores de la historia del fútbol español, destacando’l so remate de cabeza qu’executaba con maestría, teniendo nel so poder el récord de ser el máximu goleador de la lliga (Pichichi) en siete ocasiones, cinco en primera división y dos en segunda. Llegó a xugar 448 partíos na categoría cimera del futbol español, nos que marcó 218 goles.

Nel Sporting formó parte d’un tripleta atacante mítica na historia del Club: Megido, Quini y Churruca. A la que más tarde s’incorporaría otru de los grandes futbolistes del equipu xixonés: Ferrero.

El 1 de marzu de 1981 foi protagonista involuntariu d’un fechu que cutió con fuerza al mundu del futbol. Siendo'l delanteru centru del FC Barcelona, y unu de los xugadores más queríos d’España, foi secuestráu hores depués d’un partíu de Lliga, nel que Quini marcara tres goles nel Camp Nou al Hércules d’Alicante. El secuestru duró 25 díes y franció la marcha trunfal d’un Barcelona que marchaba al frente destacáu de la Lliga y acabó perdiéndola al un poder superar el trauma que supuso pa los sos compañeros.

Foi lliberáu’l 25 de marzu de 1981 nuna espectacular operación de la Policía Nacional, que lu rescató d’un zulu allugáu nos baxos d’un almacén de Zaragoza. Como anécdota, cabe señalar que, la mesma tarde de la so lliberación, la seleición española de fútbol, de la que Quini yera habitual, xugaba un partíu contra Inglaterra nel estadiu de Wembley, en Londres. El resultáu foi de 1-2 a favor del combináu español que yera la primera vegada que derrotaba a la seleición inglesa nel so propiu país.

Pocos díes depués de la so lliberación, Quini tornó a los entrenamientos y tuvo fuerces p’acabar la temporada siendo’l máximu goleador de la Lliga (Pichichi) y pa collaborar activamente a que’l Barcelona ganase la Copa del Rey d’esa temporada. Na final, Quini marcó dos goles precisamente al so ex-equipu, el Sporting de Xixón, al que’l Barcelona derrotó por 3 a 1 nel estadiu Vicente Calderón de Madrid.

Col FC Barcelona, nel que coincidió con xugadores de la categoría de Maradona, Bernd Schuster , Allan Simonsen, "Lobo" Carrasco, Marcos, Migueli o José Ramón Alexanko, algamó cuatro títulos más, ente los que destaca la Recopa d’Europa de la temporada 1981-1982.

Retiróse de la seleición tres el Mundial d’España '82 depués de xugar 35 partidos con ella y marcar 8 goles.

En 1984 abandonó el Barcelona pa volver al Sporting de Xixón, onde xugó les tres últimes temporaes de la so carrera.

Anguañu fai funciones de delegáu del Sporting. Yera hermanu del que fuera porteru del equipu xixonés nos años setenta y ochenta, Castro, que falleció afogáu al rescatar a dos neños en peligru na playa cántabra de Pechón

Clubes[editar | editar la fonte]

Club País añu
CD Ensidesa Flag of Spain.svg España 1966-1968
Real Sporting de Xixón Flag of Spain.svg España 1968-1980
FC Barcelona Flag of Spain.svg España 1980-1984
Real Sporting de Xixón Flag of Spain.svg España 1984-1987

Títulos[editar | editar la fonte]

Pichichi[editar | editar la fonte]

  • Real Sporting - 1969/1970 - 24 goles - Segunda División
  • Real Sporting - 1973/1974 - 20 goles - Primera División
  • Real Sporting - 1975/1976 - 21 goles - Primera División
  • Real Sporting - 1976/1977 - 27 goles - Segunda División
  • Real Sporting - 1979/1980 - 24 goles - Primera División
  • FC Barcelona - 1980/1981 - 20 goles - Primera División
  • FC Barcelona - 1981/1982 - 26 goles - Primera División

Campeonatos Nacionales[editar | editar la fonte]

  • FC Barcelona - Copa del Rey - 1980/1981
  • FC Barcelona - Copa del Rey - 1982/1983
  • FC Barcelona - Copa de la Lliga - 1982/1983
  • FC Barcelona - Supercopa d’España - 1983/1984

Copes Internacionales[editar | editar la fonte]

Participaciones en campeonatos de seleiciones[editar | editar la fonte]