Pablo Alborán

De Uiquipedia
Saltar a: navegación, buscar
Pablo Alborán (2011)

Pablo Moreno de Alborán Ferrándiz[1] (Málaga, 31 de mayu de 1989), popularmente conocíu como Pablo Alborán,[2][3] ye un cantante español.

Trayectoria[editar | editar la fonte]

De padre malagueñu —l'arquiteutu Salvador Moreno de Alborán Peralta— y madre francesa —Elena Ferrándiz Martínez—, dende mozu entamó a interesase pola música, recibiendo formación en dellos instrumentos como'l pianu o la guitarra clásica, flamenca y acústica y deprendiendo a cantar con músicos profesionales en Málaga y Madrid.[4]

Pablo ye bisnietu de Francisco Moreno Fernández, Ier Marqués d'Alborán, y tien dos hermanos: Casilda y Salvador.

A partir de los doce años compón los sos primeros cantares: 'Amor de Barrio' y 'Desencuentro', que s'alcuentren nel so primer discu. La so andadura artística antamó de la mano d'una familia flamenca qu'actuaba nun restaurante de Málaga, quien lo bautizaron como "El blanco moreno". Ye ehí onde actúa por primer vegada en solitariu.

Finalmente y col pasu de los años, Pablo conoz al productor Manuel Illán. Grabó una maqueta onde incluyía una versión del cantar Deja de volverme loca de Diana Navarro. Gracies a Illán esa versión foi sintía por Diana, quien mostró un gran interés pol xoven, convirtiéndose na so madrina musical.

Pablo, entonces, presentó un total de cuarenta canciones compuestes por él pal procesu de selección de lo que sería'l so primer discu. Durante esi procesu Pablo colgó dalguna de les sos canciones en YouTube pa dase a conocer d'una forma cercana.[5] D'esti miente, foi sintíu por tou tipu de públicu, incluyía la cantante Kelly Rowland quien quedó ablucada cola so voz.[6][7] A partir d'ehí Pablo Alborán apaeció nes redes sociales y'l boca a boca convirtiose na meyor forma de promoción.[8]

A mediaos del mes d'ochobre de 2010 salió a la venta dixital n'España el so primer sencillu, 'Solamente tú'. El 1 de febrero de 2011 salió a la venta'l so primer discu, Pablo Alborán; convirtiéndose nun ésitu dende'l llanzamientu y lliderando les llistes de ventes durante delles selmanes siguíes.[9][10][11][12]

Discografía[editar | editar la fonte]

Referencies[editar | editar la fonte]

Enllaces esternos[editar | editar la fonte]