Milla

De Uiquipedia
Saltar a: navegación, buscar

La milla ye una unidá de llonxitú que nun forma parte del sistema métricu. D'orixe mui antigu, na Roma antigua valía mil pares de pasos caminaos por un home. (En llatín mille passus; plural: milia passuum). Como los pasos yeren dubles, la milla romana yera aprosimadamente igual a 1.467 m, poro, un pasu cenciellu yera d'unos 73 cm.

Enantes d'afitase el Sistema Métricu, la milla foi una de les principales midides de distancia en tol mundu, pero'l so valor cimblaba d'un país a otru. Cola introducción del sistema métricu, los países llatinos y otros munchos entamaron a usar el Metru y los sos múltiplos pa midir les distancies terrestres, y anguaño úsase per toles centies, sacante los países anglosaxones y los del so ámbitu d'influyencia, au entá usen la milla.

Anguaño, hai 2 tipos xenerales de milles: Estatutaria (de la que s'empleguen güéi dos subtipos) y Náutica

Milla Estatutaria[editar | editar la fonte]

Anguaño hai dos milles estatutaries con desemeyances cuasi nimies.

Milla Internacional[editar | editar la fonte]

Nomada cenciellamente milla, entá s'usa nos países anglosaxones y equival esautamente a 1.609,344 m. N'inglés denómase statute mile.

Milla d'Agrimensura[editar | editar la fonte]

Nomada survey mile n'inglés. Úsase pol Sistema Públicu d'Agrimensura de Tierres nos Estaos Xuníos. Equival a 5.280 pies d'agrimensura, aprosimadamente 1.609 m.

Milla Náutica[editar | editar la fonte]

Artículu principal Milla náutica.

Introdúxose na náutica fai sieglos, y adoutóse con llixeres variaciones en tolos países occidentales. El so valor ye de 1.852 m.

Enllaces esternos[editar | editar la fonte]


Unidaes de llonxitú
Múltiplos y submúltiplos del metru
yotámetru | zetámetru | exámetru | petámetru | terámetru | xigámetru | megámetru | miriámetru | quilómetru | hectómetru | decámetru | metru | decímetru | centímetru | milímetru | micrómetru | nanómetru | picómetru | femtómetru | atómetru | zeptómetru | yoctómetru
Otres unidaes de llonxitú
añu lluz | unidá astronómica | pársec | quilopársec | megapársec | xigapársec | ángstrom
deu | cotu | palmu | coldu | vara | estadiu
llegua | milla | furlong | yarda | pie | pulgada | mil
Sistemes de midida
Sistema Internacional | Sistema Métricu Decimal | Sistema Ceguesimal | Sistema Téunicu | Sistema Anglosaxón | Sistema Xaponés