Meridianu de Greenwich

De Uiquipedia
Saltar a: navegación, buscar
Allugamientu del primer Meridianu
Primer Meridianu en Greenwich
Laser proyectáu dende'l Royal Observatory in Greenwich y que marca la direición del Primer Meridianu

El meridianu de Greenwich (Primer Meridianu, o Meridianu Cero) ye'l semicírculu imaxinariu que xune los Polos y pasa per Greenwich, ('grinn-itch'), en concretu pol sol observatoriu astronómicu. Ye'l meridianu de referencia que tien llonxitú 0º, y dende'l que se faen les midíes haza tolos demás. El so opuestu (180º), o seya'l semicírculu que lu completa, ye nomáu Llinia Internacional del cambéu de Data, y pasa pol Océanu Pacíficu.

Empobinando dica'l sur dende Polu Norte'l meridianu trespasa los vinientes países: Gran Bretaña, Francia, España, Arxelia, Mali, Burkina Faso, Togo, Ghana y Antártida nel Polu Sur

Esti meridianu, adoutóse comu referente nuna conferencia internacional cellebrada en 1884 en Washington, a la que foron dellegaos de 25 países, aceutando ya fixando los vinientes acuerdos:

  • Fixar un únicu meridianu de referencia que sustituya los numberosos esistentes.
  • El meridianu qu'atraviesa l'Observatoriu de Greenwich nomaráse Meridianu inicial.
  • Les llonxitúes alrodiu del globu al Este y Oeste tomaránse fasta los 180º dende el meridianu inicial.
  • Tolos paises adoutarán el día Universal.
  • El día Universal entama en metanuechi (hora solar) en Greenwich, y tendrá una duración de 24 hores.
  • Los díes náuticos y astronómicos entamarán tamién en metanuechi.
  • Promoveránse tolos estudios téunicos pa la regulación ya difusión de l'aplicación del sistema métricu decimal a la división del tiempu ya l'espaciu.

Per cada 15 graos, tenemos un fusu horariu. Llóxicamente hai un total de 24 (24 Fusos x 15º = 360º) El tamañu dalgunos países fai que tengan varios fusos horarios, y en delles vegaes la llinia de fusu adáutase a la xeografía, polo que nun coinciden colos meridianos.