Louis de Broglie

De Uiquipedia
Saltar a: navegación, buscar
Nobel prize medal.svg
Louis de Broglie

Louis Victor de Broglie, duque de Broglie (Dieppe, 15 d'agostu de 1892Louveciennes, 19 de marzu de 1987) foi un matemáticu, físicu y académicu francés.

Biografía[editar | editar la fonte]

Louis de Broglie ye descendiente de la casa de Broglie que dio a Francia numberosos mariscales, políticos, diplomáticos y académicos.

Depués de los estudios d'historia y de derecho, foi introducíu nos trabayos de la física moderna pol so hermanu, Maurice, que foi secretariu de la Conferencia Solvay de 1911. Destináu durante la guerra de 1914 a la emisora de radio de la Torre Eiffel experimenta durante cinco años de manera concreta los fenómenos electromagnéticos.

En 1924, algama sonadía pola so teoría de les ondes de materia, con ocasión de la so tesis doctoral, defendida delantre d'un xuráu compuestu por Paul Langevin y Jean Perrin. Esta tesis valdrá-y el Premiu Nobel de física en 1929 ("descubrimientu de la naturaleza ondulatoria del electrón"). En 1933, obtién la cátedra de física teórica del Institu Henri-Poincaré y ye elexíu como'l miembru más mozu de l'Académie des sciences (de la que se convierte en secretariu perpetuu en 1942), y en 1933 ye elexíu miembru de l'Académie française.

Los sos diferentes trabayos sobre la naturaleza de les partícules de materia fain d'él el físicu más orixinal del sieglu XX. La so obra ye en tou casu enorme: escribió doscientes memories y cuarenta y cinco llibros.

Conviértese en miembru estranxeru de la Royal Society en 1953.

Principales teories[editar | editar la fonte]

Materia y dualismu onda-corpúsculu[editar | editar la fonte]

« La idea fundamental de [la mio tesis de 1924] yera la que vien darréu: « El fechu de que, depués de la introducción por Einstein de los fotones na onda luminosa, sabemos que la lluz contién partícules que son concentraciones d'enerxía incorpórea na onda, suxer que toa partícula, como l'electrón, debe ser tresportada por una onda na cual ta incorporada »… La mio idea esencial yera esparder a toles partícules la coexistencia d'ondes y de corpúsculos descubierta por Einstein en 1905 nel casu de la lluz y los fotones. »

« A toa particula material de masa m y velocidá v debe tar "asociada" una onda real » rellacionada cola cantidá de movimientu pola ecuación:

\lambda = \frac{h}{p} = \frac {h}{{m}{v}} \sqrt{1 - \frac{v^2}{c^2}}

onde \lambda ye la lonxitú d'onda, h la constante de Planck, p la cantidá de movimientu, m la masa en repósu, v la so velocidá y c la aceleración de la lluz nel vacíu.

Esta teoría sienta les bases de la mecánica ondulatoria. Foi defendía por Einstein, confirmada poles esperiencies de difracción d'electrones de Davisson y Germer, y sobre too xeneralizada polos trabahos d'Schrödinger.

Pero esta xeneralización yera estadística y nun taba d'acuerdu con ella de Brolgie, que dixo « que la partícula debe ser el sitiu d'un movimientu periódicu internu y que debe desplazase na so onda de manera que quede en fase con ella, [fechu] ignoráu polos físicos cuánticos actuales [que cometen] l'error de considerar una propagación d'onda ensin localización de partícula, lo que yera contrario a les mios idees primitives. »

Notemos que, dende'l puntu de vista filosóficu, esta teoría de les ondes de materia ye la que más contribuyó a arruinar l'atomismu antiguu, y que na so más grande xeneralización, podría sofitar el vieyu principu de la identidá del alma y del cuerpu.