Aceleración

De Uiquipedia
Saltar a: navegación, buscar
Uiquipedia:Llista d'artículos que toa Wikipedia tien que tener

L'aceleración ye la magnitú física que midi la tasa de variación de la velocidá respeutu del tiempu. Les unidaes pa espresar l'aceleración sedrán unidaes de velocidá dixebraes poles unidaes de tiempu: llonxitú/tiempu² (en unidaes del sistema internacional úsase xeneralmente [m/s²]). Nun hai de trafulcar la celeridá cola aceleración, darréu que son conceutos desemeyaos, acelerar nun ye dir más apriesa, sinon que ye camudar de velocidá a un ritmu dau.

Aceleración media ya instantánea[editar | editar la fonte]

Aceleración instantánea ye representada como la pendiente de la reuta tanxente de la curva de representación velocidá-tiempu.

Defínese l'aceleración media como la rellación ente la variación o cambéu de velocidá d'un móvil y el tiempu emplegáu en talu cambéu de velocidá:

 a= \frac{v-v_0}{t-t_0} = \frac{\Delta v}{\Delta t}

Au a ye l'aceleración, y v la velocidá final nel intre t,  v_0 la velocidá d'aniciu nel intre t0.

L'aceleración instantánea, que pa trayeutories curvas tómase como un veutor, ye la derivada de la velocidá (instantánea) respeutu del tiempu nun intre dau (en dos instantes cercanos pero desemeyaos, el valor pue camudar muncho):

\mathbf{a}=\frac{d\mathbf{v}}{dt}

Darréu que la velocidá instantánea v ye al empar la derivada del vector de posición r respeutu al tiempu, tiense que l'aceleración vectorial ye la derivada segunda respeutu de la variable temporal:

\mathbf{a} = \frac{d^2 \mathbf{r}}{dt^2}

D'igual mena pue definise la velocidá instantánea a partir de l'aceleración como:

v=\int_0^n \left({\mathrm{d}v \over \mathrm{d}t}\right)\,\mathrm{d}t

O también, la velocidá pue atalantase entenderse como la integral de l'aceleración respeutu el tiempu, hai de decatase que la integración pue ser definía o indefinía:

v=\int_0^n a\,\mathrm{d}t,

Unidaes[editar | editar la fonte]

Suel emplegase les unidaes de tiempu: llonxitú/tiempu² (n'unidaes del sistema internacional úsase davezu [m/s²]. Arriendes ye mui común nos ámbitos aeronáuticos emplegar g, un g (más específicamente, gn o g 0) ye l'aceleración estándar de cayía llibre de los cuerpos que tienen un valor de 9.80665 m/s², causáu pol campu gravitatoriu de la Tierra al nivel del mar a una llatitú de 45.5°.


Ver tamién[editar | editar la fonte]