Torre Eiffel

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener
La Torre Eiffel vista dende la Escuela Militar

La Torre Eiffel tien esi nome pol famosu inxenieru Gustave Eiffel, principal autor del proyeutu xunto a los inxenieros Maurice Koechlin y Emile Nouguier y cola collaboración del arquiteutu Stephen Sauvestre.

La so construcción tien una razón de ser: formaba parte de los edificios del recintu de la Esposición Universal de 1889, celebrada en París; qu'había cuntar con un elementu representativu que fuere la insinia de dichu asocedíu.

Celebróse un concursu, nel que ganó G. Eiffel, llevantando munches rocees la so construcción pol clasicismu reinante nes mentes de los parisinos.

Nun hemos escaecer que tamos nel sieglu XIX, la dómina del aceru na construcción d'edificios, y esti edificiu constituyía un alarde inxenieril, al elevase más de 300 metros sobre'l suelu y construyise nun tiempu récord de 2 años.

La idea yera baltialu tres la esposición, pero decidióse caltenelu depués de comprobase la so idoneidá pa cola colocación d'antenes de radio. Nun pudieron tomar una decisión más acertada, yá qu'anguaño trátase d'ún de los monumentos más visitaos de Francia ya ún de los que más ingresos aporta en materia turístico.

Enllaces esternos[editar | editar la fonte]