Alexandre Gustave Eiffel

De Uiquipedia
Saltar a: navegación, buscar
Gustave Eiffel
Monumentu a Gustave Eiffel na base de la Torre Eiffel

Alexandre Gustave Eiffel (15 d'avientu de 1832, Dijon - 2 d'avientu de 1923, París), foi un inxenieru y constructor francés.

Ñació nel senu d'una familia d'artesanos. Cursó estudios nel Lycée Royal de Dijon y depués nel Collège Sainte-Barbe en París, en 1855 graduóse na École Centrale des Arts et Manufactures. Más sero trabayó pa una empresa de ferramientes.

En 1858 dirixó la so primer obra importante: una ponte sobre'l ríu Garona en Bordeos. Equí yá dio amuesa del so espíritu innovador, pues emplegó per primer vegada un sistema de cimentación d'aire comprimío. En 1867 establecióse pola so cuenta. Nos dos años siguientes realizó 42 pequeñes pontes pa la llinia férrea Poitiers-Limoges y dellos más pa la Brive, Rumanía, Exiptu y América del Sur. En 1877 llevantó una ponte sobre'l ríu Dueru en Portugal, que taba formáu por un únicu arcu d'aceru de 160 m d'altor. La igua qu'adoptó foi revolucionaria. Empecipió por colocar dambos sofitos en dambes orielles, y magar d'ehí, ensin andamiax dengún y sirviéndose de cables, foi montando los elementos centrales configurando un doble arcu, sofitáu nos sofitos per aciu d'articulaciones. El so trabayu amestaba una gran habilidá con un elegante diseñu, tal como s'observa nel viaductu Garabit de Francia, que per un tiempu foi la ponte más alta del mundu. Construyó l'armazón metálicu de la xigantesca estatua de la Llibertá rellumando al mundu d'Auguste Bartholdi, inaugurada en Nueva York en 1886. Con motivu de la Esposición Universal de París de 1889 encargóse-y una torre que se convirtiere n'estandarte del certame y anició entós el so mayor proyeutu, la torre Eiffel.

El proyeutu de construcción de la Torre Eiffel resultó seleicionáu nun concursu nel que foren presentaes 700 propuestes más. L'oxetivu d'esi certame yera elixir el meyor proyeutu pa elevar un monumentu conmemorativu nel centenariu de la Revolución Francesa.

undó'l llaboratoriu aerodinámicu d'Auteuil, en 1912, dende u dirixó vuelos esperimentales y desendolcó adelantos en mecánica. Otres obres de so son: la ponte sobre'l ríu Nive en Bayona y el de la llinia de Madrid a Cáceres. Tamién el viaductu de Vianna, el pabellón de la ciudá de París na Esposición Universal de 1878 y la cúpula xiratoria pal observatoriu de Niza.

Construcciones destacaes[editar | editar la fonte]

Enllaces esternos[editar | editar la fonte]