Llan de Cubel
| Llan de Cubel | |
|---|---|
.jpg)
|
|
| Orixe |  Cuideiru y  Uviéu Asturies |
| Fundación/Disolución | 1984 - n'activu |
| Estilu musical | Folk |
| Componentes | Elías García Fonsu Mielgo Marcos Llope Susi Bello (ex-componente) Daniel Lombas (ex-componente) Guzmán Marqués (ex-componente) Xel Pereda Simon Bradley Xuan Rodríguez Flavio Rodríguez (ex-componente) J.M.Cano (ex-componente) |
| Discos asoleyaos | Deva (1987) Na Llende (1990) L'otru Llau de la Mar (1992) Llan de cubel IV (1995) Un Tiempu Meyor (1999) |
| Otros trabayos | Arpa céltica (recopilatoriu nel que participen con un tema, 1985) Festival Interceltique de Lorient 25 ans (recopilatoriu nel que participen col tema San Roque, 1995) Naciones celtas - buscando el norte (recopilatoriu nel que participen con un tema, 1997) |
| {{{otros datos titulu}}} | {{{otros datos}}} |
| Sitiu web | http://www.llandecubel.com |
Llan de Cubel ye ún de los más veteranos (dende 1984) y el de mayor repercusión, internacional de los grupos del folk asturianu. El so nome ta sacáu del Picu Llan de Cubel ente los conceyos de Cuideiru y Pravia.
La so música ta basada nel repertoriu tradicional asturianu (popular y ensin autor reconocíu).
El so soníu ye acústicu y apoyen les sos melodíes na gaita asturiana, el vigulín y la flauta travesera de maera, pa la percusión tiren de tambor tradicional y de bodhran mientres que l'armonía ye cosa de la guitara acústica y del bouzouki. Tamién usen dalgún mediu llétricu pa pasaxes mui concretos de la misma forma qu'a pesar de ser un grupu de clara vocación instrumental, tamién recueyen cantares nel so repertoriu.
El so repertoriu ye na so mayoría de temes asturianos (alboraes, marches, pasucáis, saltones, muñeires, polques, entemedios de misa, tonaes, vaqueiraes, villancicos, cantares mariñanos, de llabor, de chigre, etc...). Anque tamén tienen fecho guiños a temes tradicionales d'otros paises del Arcu Atlánticu.
La primer formación xuntó al nucleu carbayón d'Elías García, Fonsu Mielgo, Susi Bello y Daniel Lombas, col pixuetu de Guzmán Marqués y Marcos Llope. D'esta primer formación aguañu siguen Elías García, Fonsu Mielgo y Marcos Llope, xunto con Xel Pereda (1995), Simon Bradley (1996) y Xuan Rodríguez (1997). Tamién tuvieron nel grupu Flavio Rodríguez y J.M.Cano.
[editar] Discografía
[editar] Álbumes
- Deva (1987)
- Na Llende (1990)
- L'otru Llau de la Mar (1992)
- Llan de cubel IV (1995)
- Un Tiempu Meyor (1999)
