La Venta (Llangréu)
La Venta | |
---|---|
Alministración | |
País | España |
Autonomía | Principáu d'Asturies |
Provincia | provincia d'Asturies |
Conceyu | Llangréu |
Partíu xudicial | Llangréu |
Tipu d'entidá | parroquia d'Asturies |
Xeografía | |
Coordenaes | 43°17′52″N 5°45′09″W / 43.29789°N 5.75249°O |
Altitú | 258 m[1] |
Llenda con | Riañu, Lada, Santa Rosa, La Peña y Lluniego |
Demografía | |
Población | 231 hab. (2020) |
Porcentaxe |
0.61% de Llangréu 0.02% de provincia d'Asturies 0.02% de Principáu d'Asturies 0% de España |
Más información | |
Estaya horaria | UTC+01:00 |
La Venta[2] ye una parroquia del conceyu asturianu de Llangréu; ye una de les dos del conceyu (la otra ye Tiuya) que nun tien parte urbana integrada na ciudá de Llangréu.
Formóse'l 1 de xunetu de 1887 pola xuntura de dellos pueblos que pertenecíen daquella a Lada y otros que yeren de Riañu. La primer de les parroquies nomaes aportó a la nueva entidá los llugares d'El Caburniu, El Carme, Cebosa, El Folguerón, La Raposa, San Tiso y Sarrellana, amás de los de La Viesca, La Vega y Trapa, que yá nun apaecen nel nomenclátor municipal nin nes estadístiques del INE. El restu de los pueblos, esto ye, La Venta, La Cantera, La Casa Medio, La Espina, Espineo, La Güeria, La Llana, Llandoso, Llaneces, Llantamartín, Ribero y El Rucio, pertenecíen, primero d'esa fecha, a la parroquia de Riañu.
Foi nel llugar de La Venta, designáu pola so centralidá nel territoriu como cabeza parroquial, nel que se construyó la ilesia parroquial, consagrada a la Virxe del Carme. El territoriu tien una estensión de 9,10 km² y llenda al norte cola parroquia de Riañu, al este cola de Lada, al sur col conceyu de Mieres y al oeste col d'Uviéu. Nelli viven (INE, 2009) 328 habitantes.
Referencies[editar | editar la fonte]
- ↑ Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.
- ↑ «Espediente colos topónimos oficiales de Llangréu». BOPA.
Enllaces esternos[editar | editar la fonte]
Parroquies de Llangréu | ||
---|---|---|
Barros | Ciañu | Lada | La Felguera | Riañu | Sama | Tiuya | La Venta |