La Felguera (Llangréu)

De Uiquipedia
Saltar a: navegación, buscar
43° 18' 30" N, 05° 41' 27" W


Pa otros llugares con esti nome, ver La FelgueraDisambig.svg
La Felguera (Llangréu)
Felguera2.jpg
Llocalización
Coordenaes 43°18'37"N 5°41'31"O
Xeografía
Tipu d'entidá Parroquia
Comunidá: Bandera d'Asturies  Principáu d'Asturies
Conceyu: Bandera Llangreu 2.svg   Llangréu
Parroquia La Felguera
Superficie 10.12 km²
Población
 • Habitantes
 • Densidá
(2009)
20,734 hab.[1]
2074 hab./km²
Altitú 203 m
Códigu postal 33930

La Felguera ye una parroquia del conceyu asturianu de Llangréu y unu de los seis núcleos en los que se divide la ciudá de Llangréu. Asitiada na zona central del conceyu, llenda col conceyu de Siero al norte, cola parroquia de Tiuya al este, col conceyu de Samartín del Rei Aurelio al sureste, cola parroquia de Sama al sur, cola de Lada al oeste y suroeste y cola de Barros al noreste. La so parte urbana conforma'l distritu de La Felguera, ún de los seis qu'integren la ciudá de Llangréu, capital del conceyu.

Aparte d'ella, nos sos 10,12 km² d'estensión, viven 741 persones (INE, 2009), que se reparten ente los llugares de L'Andaruxu, La Talaya, Campanal, El Campu la Carrera, La Capilla, Castandiello, Cutulapiedra, La Formiguera, La Granda, La Güeria, Les Lláscares, La Nava, Paxumal, Reguerines, El Regueru Llerín, Respinéu, El Respiñu, La Rexella, Riparape, Los Torgaos, La Venta'l Aire y La Teyera, más el distritu urbanu de La Felguera, que tien 20.000 persones.

Magar que l'INE nun publica datos separtaos de población de los distritos llangreanos, persábese que'l de La Felguera ye'l más pobláu. Ye, amás, el más comercial y el que más xente axunta, na zona de La Pomar, nos fines de selmana. Nel so territoriu asitiase, amás, el parque industrial Valnalón, qu'ocupa'l terrenu nel que taba la factoría siderurxica de Duro Felguera. Nelli s'alluga el Muséu de la Siderurxa.

El so patrimoniu arquitectónicu ye abundante, y el más d'él ta venceyáu a la historia industrial de la parroquia, que fizo que a mediaos del sieglu XIX lo que yeren trés núcleos de población dixebraos de la parroquia de Turiellos (Vega, La Ponte y La Pomar) foran xuntándose, a la solombra les nueves industrias que s'asentaron nel llugar dempués de que, hacia 1840, entamara la gueta de carbón nesa zona del valle del Nalón. Ente los que se citen embaxu rescampla el refrixerador troncocónicu de la antigua fábrica de Duro Felguera, que nun se valtó y ye güei la imaxe de marca del Muséu de la Siderurxa.

Edificios d'interés[editar | editar la fonte]

  • Edificiu La Salle
  • Ilesia San Pedro
  • Capiella del Llungueru
  • Muséu de la Siderurxa
  • Antigües instalaciones de la Fábrica
  • Barriu d'Urquijo
  • Cases de la cai Conde Sizzo
  • Conxuntu artísticu del parque Dolores F. Duro
  • Xalé d'inxenieros

Semeyes[editar | editar la fonte]

Enllaces esternos[editar | editar la fonte]

Referencies[editar | editar la fonte]

Flag of Asturias (indoor).svg Parroquies de Llangréu Bandera Llangreu 2.svg
Barros | Ciañu | Lada | La Felguera | La Venta | Riañu | Sama | Tiuya