Kofi Annan

De Uiquipedia
Saltar a: navegación, buscar
Uiquipedia:Llista d'artículos que toa Wikipedia tien que tener
Kofi Annan

Kofi Atta Annan, (Kofandros -Kumasi-, Ghana, 8 d'abril de 1938), ye'l séptimu Secretariu Xeneral de la Organización de les Naciones Uníes (ONU). Entamó'l so mandatu na Secretaría de la ONU el 1 de xineru de 1997. Foi galardonáu col Premiu Nobel de la Paz de 2001.


Biografía personal[editar | editar la fonte]

Kofi Annan ye fíu de Henry Reginald y Victoria Annan. El so nome indica el día de la selmana nel que ñació y el llugar que ocupa na so familia; asina ye que Kofi quier dicir que ñació de vienres, y Annan que yera'l cuartu fíu de la familia. Annan tenía una hermana ximielga, algo considerao como un regalu mui especial na cultura tradicional de Ghana; la so hermana Efua Atta morrió en 1991 (Atta significa ximielgu en Fante).

La familia Annan yera parte de la élite del país; los sos güelos y un tíu yeren xefes tribales. So pá yera mitá Ashanti mitá Fante; mientres que so má yera Fante. El padre de Annan trabayó bien de tiempu como encargáu d'exportaciones pa la empresa de cacao Lever Brothers company.

Annan estudió na Universidá de ciencia y tecnoloxía de Kumasi y depués nel Macalester College, en Saint Paul (Estaos Xuníos), en 1961, onde termina la so llicenciatura n'economía. Darréu entra nel Institutu d'Altos Estudios Internacionales de Xinebra (Suiza) (1961 - 1962) y nel Institutu de Teconoloxía de Massachusetts (1971 - 1972) onde cursa los estudios de tercer ciclu d'economía.

Entama a trabayar na Organización Mundial de la Salú en 1962 como funcionariu d'administración y presupuestu. Depués ocupó un puestu na comisión económica de les Naciones Uníes pa África, en Addis Abeba. Igualmente pasó por otra riestra de puestos de responsabilidá na Organización. En 1990, depués de la invación de Kuwait por Iraq, Annan recibió l'encargu especial, por parte del Secretariu Xeneral, d'organizar la repatriación d'Iraq de más de 900 funcionarios internacionales y residentes de países occidentales. Darréu dirixó el primer equipu de Naciones Uníes encargáu de negociar con Iraq sobre la cuestió de la venta de petróleo pa financiar l'ayuda humanitaria.

Annan ta casáu con Nane Maria Annan, una abogada y artista sueca que ye sobrina llonxana de Raoul Wallenberg. De los tres fíos que tien la pareya, Kojo Annan y Ama Annan son del anterior matrimaniu de Kofi cola nixeriana Titi Alakija. Divorciáronse a finales de los años 1970. La tercera fía, Nina Cronstedt de Groot, ye frutu del anterior matrimoniu de Nane Maria Annan. Kojo Annan tuvo na mirada de la prensa internacional en 2005 pola so presunta rellación col desvíu de fondos del programa Petróleo por alimentos.

Enllaces esternos[editar | editar la fonte]


Predecesor:
Boutros Boutros-Ghali
Secretariu Xeneral de les Naciones Uníes
avientu de 1999 - aguañu
Socesor:
Nel cargu