Karl von Terzaghi

De Uiquipedia
Saltar a: navegación, buscar

Karl von Terzaghi, (Praga, 2 d'ochobre de 1883 - † Winchester, Massachusetts (Estaos Xuníos), 25 d'ochobre de 1963). Inxenieru reconocíu como'l padre de la mecánica de suelos y de la inxeniería xeotéunica.

Dende l'entamu de la so carrera dedicó tolos sos esfuerzos a buscar un métodu racional pa resolver los problemes rellacionaos cola inxeniería de suelos y les cimentaciones. La coronación de los sos esfuerzos foi en 1925, cola publicación Erdbaumechanik, considerada güei como'l puntu de partida de la mecánica de suelos.

De 1925 a 1929 trabayó nel Institutu Teunolóxicu de Massachusetts, u entamó'l primer programa estauxunidense sobre mecánica de suelos, y consiguió qu'esta ciencia se convirtiese nuna materia importante na Inxeniería civil.

En 1938 pasó a la Universidá de Harvard u desenvolvió y espunxo'l so cursu sobre xeoloxía aplicada a la inxeniería, retirándose como profesor en 1953 a la edá de 70 años. Nacionalizóse estaunidense en 1943.

El so llibru Soil Mechanics in Engineering Practice, escritu en collaboración con Ralph B. Peck, ye de consulta obligada pa los profesionales de la inxeniería xeotéunica. Ta consideráu ente los meyores inxenieros civiles del sieglu XX.

Terzaghi tomó idees d'inxenieros como Coulomb y Rankine pa poder establecer una clasificación pa los suelos.