Jim Steranko

De Uiquipedia
Saltar a: navegación, buscar
Jim Steranko

James Steranko (Reading, Pensilvania, 5 de payares de 1938) ye un dibuxante de cómic de los Estaos Xuníos. El so trabayu qu'algamó mayor sonadía ye'l del so personaxe Nick Fury, y foi un innovador de lo que se conoz como la Edá de Plata del Cómic.

Según la so biografía autorizada, los sos güelos yeren ucraínos y buscaron trabayu nes mines d'antracita de Pensilvania.

George Lucas acudió a él pa diseñar los bocetos sobre l'apariencia del personaxe "Indiana Jones", dando como resultáu el característicu personaxe que conocemos. Tamién collaboró con Francis Ford Coppola y Steven Spielberg en delles de les sos películes.

Steranko n'Asturies[editar | editar la fonte]

Jim Steranko tuvo n'Asturies convidáu pola organización de la Selmana Negra, nel añu 2002. Con tal motivu tuvo llugar en Xixón una esposición de los sos trabayos y asoleyóse un llibru tituláu Steranko: Arte Noir, coordináu por J. David Spurlock y Ángel de la Calle y nel que tamién participaron Michael Chabon, Francisco Naranjo, Jaume Vaquer, Rubén Paniceres y Lorenzo F. Díaz.